കോഴിക്കോട് ജില്ലാ കളക്ടര് സാംബശിവറാവുവിന്റെ വാഹനത്തിന് നേരെ കല്ലേറ്. കളക്ടറേറ്റ് വളപ്പില് നിര്ത്തിയിട്ടിരുന്ന കാറിന് നേരെയാണ് കല്ലെറിഞ്ഞത്. കാറിന്റെ ചില്ലുകള് തകര്ന്നു. എലത്തൂര് സ്വദേശിയായ പ്രതിയെ നടക്കാവ് പൊലീസ് കസ്റ്റിഡിയിലെടുത്തു. ഇയാളെ ആശുപത്രിയിലേക്ക് മാറ്റി.
നേരത്തെ എലത്തൂരിലെ പെട്രോള് പമ്പിലും ഇയാള് പ്രശ്നങ്ങള് ഉണ്ടാക്കിയതായി പൊലീസ് പറയുന്നു. രാവിലെ കളക്ടറേറ്റ് വളപ്പില് എത്തിയ ഇദ്ദേഹം കല്ലെടുത്ത് കാറിന്റെ ചില്ലുകള് തകര്ക്കുകയായിരുന്നു എന്നാണ് കളക്ടറേറ്റ് ഓഫീസിലുള്ളവര് പറയുന്നത്. സംഭവസമയത്ത് കാറില് ആരും ഉണ്ടായിരുന്നില്ല.
