കുന്നമംഗലം : ജലവിഭവ വികസന വിനിയോഗ കേന്ദ്രത്തില്‍ (സി.ഡബ്ലു.ആര്‍.ഡി.എം) കാലാവസ്ഥാ നിരീക്ഷണത്തില്‍ ജനകീയ ശാസ്ത്രത്തിന്റെ പങ്ക് എന്ന വിഷയത്തില്‍ തദ്ദേശ സ്വയഭരണ സ്ഥാപനങ്ങളിലെ ജനപ്രതിനിധികള്‍ക്കുള്ള പരിശീലന പരിപാടി സംഘടിപ്പിച്ചു.കാലാവസ്ഥാ മുന്നറിയിപ്പ് സംവിധാനങ്ങളിലെ വിടവുകള്‍ നികത്താന്‍ ഒരുമിക്കുക’ എന്ന ഈ വര്‍ഷത്തെ ലോക കാലാവസ്ഥ ദിനത്തിന്റെ മുഖ്യ പ്രമേയത്തെ ആസ്പദമാക്കി സംഘടിപ്പിച്ച പരിപാടിയില്‍ ഡോ.മനോജ് എം.ജി ( സയന്റിസ്റ്റ് -ഉ അഡ്വാന്‍സ്ഡ് സെന്റര്‍ ഫോര്‍ അറ്റ്‌മോസ് ഫെറിക് റഡാര്‍ റിസര്‍ച്ച് – കുസാറ്റ്) കാലാവസ്ഥാ വ്യതിയാനവും ദുരന്തലഘൂകരണവും എന്ന വിഷയത്തില്‍ മുഖ്യപ്രഭാഷണം നടത്തി. സി.കെ വിഷ്ണുദാസ് ( ഹ്യൂം സെന്റര്‍ ഫോര്‍ എക്കോളജി എന്‍ഡ് വൈല്‍ഡ് ലൈഫ് ബയോളജി), എബി ഇമ്മാനുവല്‍ (മീനച്ചില്‍ റിവര്‍& റയിന്‍ മോണിറ്ററിംഗ് നെറ്റ്വര്‍ക്ക്) എന്നിവര്‍ കാലാവസ്ഥാ നിരീക്ഷണത്തില്‍ ജനകീയ പങ്കാളിത്തത്തെ കുറിച്ച് ജനപ്രതിനിധികളുമായി സംവദിച്ചു. സി.ഡബ്ലു.ആര്‍.ഡി.എം. എക്‌സിക്യൂട്ടീവ് ഡയറക്ടര്‍ ഡോ. മനോജ് പി. സാമുവല്‍ , ഡോ. ദൃശ്യ ടി.കെ , ഡോ. അമ്പിളി ജി.കെ. ഡോ അനില അലക്‌സ് എന്നിവര്‍ പ്രസംഗിച്ചു.
