രണ്ടു ഡോസ് വാക്സിനെടുത്ത ശേഷം ഇന്ത്യയില് 87,000 ത്തോളം പേര്ക്ക് കോവിഡ് ബാധ സ്ഥിരീകരിച്ചതായും ഇതില് 46 ശതമാനവും കേരളത്തിലാണെന്നും ആരോഗ്യ മന്ത്രാലയ വൃത്തങ്ങള് അറിയിച്ചതായി എന്ഡിടിവി റിപ്പോര്ട്ട് ചെയ്തു.
ആദ്യ ഡോസ് വാക്സിന് എടുത്ത ശേഷം കേരളത്തില് എണപതിനായിരത്തിനടുത്ത് ആളുകള് കോവിഡ് പോസിറ്റീവായെന്നും രണ്ടു ഡോസും എടുത്ത ശേഷം നാല്പതിനായിത്തോളം പേര്ക്കും രോഗം ബാധിച്ചെന്നും ആരോഗ്യ മന്ത്രാലയം അറിയിച്ചു. .മറ്റു സംസ്ഥാനങ്ങളില് കോവിഡ് വ്യാപനം കുറഞ്ഞിട്ടും കേരളത്തില് കേസുകള് ഉയര്ന്ന നിലയില് തന്നെ നില്ക്കുന്നതില് കേന്ദ്ര ആരോഗ്യ മന്ത്രാലയം ആശങ്ക രേഖപ്പെടുത്തി.
100 ശതമാനം വാക്സിനേഷന് നടന്ന വയനാട്ടിലടക്കം പുതിയ കേസുകള് റിപ്പോര്ട്ട് ചെയ്യപ്പെടുന്നുണ്ടെന്നും ചൂണ്ടിക്കാട്ടുന്നു.
വാക്സിനെടുത്ത ശേഷം കോവിഡ് വന്ന 200 ഓളം പേരുടെ സാമ്പിളുകളുടെ ജനതിക ശ്രേണി പരിശോധിച്ചതില് വകഭേദം കണ്ടെത്തിയിട്ടില്ലെന്നും മന്ത്രാലയ വൃത്തങ്ങള് പറയുന്നു.
