രാജ്യത്ത് കോവിഡ് കേസുകള് കുറയുന്നു. ഇന്ന് റിപ്പോര്ട്ട് ചെയ്തത് 46,148 പുതിയ കേസുകളാണ് . കഴിഞ്ഞ 24 മണിക്കൂറില് രാജ്യത്ത് റിപ്പോര്ട്ട് ചെയ്ത പ്രതിദിന മരണ സംഖ്യ 979 ആണ്.
തുടര്ച്ചയായ 75 ദിവസങ്ങള്ക്കുശേഷമാണ് രാജ്യത്തെ പ്രതിദിന മരണ സംഖ്യ ആയിരത്തില് താഴെയായിരിക്കുന്നത്. 2021 ഏപ്രില് 13 നാണ് ഇതിനു മുമ്പ് ആയിരത്തില് താഴെ (879) കോവിഡ് മരണങ്ങള് റിപ്പോര്ട്ട് ചെയ്തത്
രാജ്യത്ത് ഇതുവരെ 3,02,79,331 പേര്ക്ക് കോവിഡ് സ്ഥിരീകരിച്ചു. നിലവില് 5,72,994 സജീവ കേസുകളാണ് രാജ്യത്തുളളത്. 3,96,730 പേര് ഇതുവരെ കോവിഡ് ബാധിച്ച് മരണപ്പെട്ടു.
രോഗമുക്തി നിരക്ക് 97 ശതമാനത്തിലേക്ക് അടുക്കുകയാണ്. 96.80 ശതമാനമാണ് രോഗമുക്തി നിരക്ക്. അമേരിക്കയെ പിന്തള്ളങ്ങി ലോകത്ത് ഏറ്റവുമധികം പേര്ക്ക് വാക്സിന് നല്കിയ രാജ്യമായി ഇന്ത്യ മാറിയതായി കേന്ദ്രസര്ക്കാര് അവകാശപ്പെട്ടു. 32, 36,63,297 പേര്ക്കാണ് ഇതുവരെ വാക്സിന് നല്കിയത്. അമേരിക്കയില് ഇത് 32,33, 27,328 ആണെന്നും സര്ക്കാര് കണക്കുകള് വ്യക്തമാക്കുന്നു.
