Author: editor

തിരുവനന്തപുരത്ത് കളക്ഷൻ ഏജന്റിൽ നിന്ന് എസ്ഐ പണം തട്ടിപ്പറിച്ചെന്ന് പരാതി. പട്ടം ട്രാഫിക് സ്റ്റേഷനിലെ എസ്ഐ പ്രദീപിനെതിരെയാണ് കേസെടുത്തത്. 3,150 രൂപ തട്ടിപ്പറിച്ചെന്നാണ് കേസ്. വഴിയിൽ തടഞ്ഞ് നിർത്തി അസഭ്യം പറഞ്ഞതിന് ശേഷം ബാഗ് പിടിച്ചുപറിച്ച് വാങ്ങുകയായിരുന്നുവെന്ന് കളക്ഷൻ ഏജന്റ് പറയുന്നു.എസ് ഐ ആണെന്നും വിഴി‍ഞ്ഞം സ്റ്റേഷനിൽ എത്താനും വേരിഫൈ ചെയ്ത ശേഷം ബാ​ഗ് തിരികെ നൽകാമെന്നുമായിരുന്നു എസ്ഐ പറഞ്ഞത്. ഇതിന് ശേഷം സംഭവത്തിൽ പരാതിയുമായി പൊലീസിനെ സമീപിക്കുകയായിരുന്നു. പരാതിയിൽ കേസ് രജിസ്റ്റർ ചെയ്യുകയുമായിരുന്നു.

കെഎസ്ആർടിസിയിൽ പുതിയ പരീക്ഷണവുമായി ഗതാഗത മന്ത്രി.ചിലവ് ചുരുക്കലിന്റെ ഭാഗമായി കെഎസ്ആർടിസിയിൽ സെക്യൂരിറ്റി ജീവനക്കാരുടെ എണ്ണം കുറച്ച് സിസിടിവി നിരീക്ഷണം ശക്തമാക്കാൻ ആണ് ലക്‌ഷ്യം.ഡിപ്പോകളിലെ റിസർവേഷൻ കൗണ്ടറുകൾ പൂർണ്ണമായും ഒഴിവാക്കുമെന്നും, അന്വേഷണങ്ങൾക്ക് ചലോ ആപ്പ് ഉപയോഗിക്കാമെന്നും മന്ത്രി ട്വന്റിഫോറിനോട് പറഞ്ഞു.ഒന്നാം തീയതി തന്നെ മുഴുവൻ ശമ്പളവും നൽകാൻ സഹായമായത് മുഖ്യമന്ത്രിയുടെ പിന്തുണയെന്ന് മന്ത്രി ​ഗണേഷ് കുമാർ പറഞ്ഞു. മാർച്ചിൽ രണ്ടു കോടിയോളം നഷ്ടം വരുന്ന സ്ഥിതിയുണ്ടായി. കളക്ഷൻ കുറഞ്ഞത് ഉറക്കം പോലും നഷ്ടപ്പെടുത്തിയെന്ന് മന്ത്രി പറഞ്ഞു. ഒന്നാം തീയതി […]

ഗുണ്ടൽപേട്ടിൽ ഉണ്ടായ വാഹനാപകടത്തിൽ ഒരാൾ കൂടി മരിച്ചു.ഇതോടെ മരിച്ചവരുടെ എണ്ണം മൂന്നായി. മൊറയൂർ അത്തിക്കുന്ന് മന്നിയിൽ അബ്ദുൽ അസീസ് ആണ് മരിച്ചത്. അപകടത്തില്‍ ഇന്നലെ മരിച്ച മുഹമ്മദ് ഷഹ്സാദ്, മുസ്കാനുൽ ഫിർദൗസ് എന്നിവരുടെ പിതാവാണ് അബ്ദുൽ അസീസ്.അബ്ദുൾ അസീസും കുടുംബവും സഞ്ചരിച്ച കാറും ട്രാവലറും കൂട്ടിയിടിച്ചാണ് അപകടമുണ്ടായത്.

ഒപ്പം സിനിമയിൽ അനുവാദമില്ലാതെ യുവതിയുടെ ഫോട്ടോ ഉപയോഗിച്ചതിന് നിർമാതാവ് ആന്‍റണി പെരുമ്പാവൂരിന് പിഴ ചുമത്തി കോടതി. ആന്‍റണി പെരുമ്പാവൂർ 1,68,000 രൂപ നഷ്ടപരിഹാരം നൽകണമെന്നാണ് ചാലക്കുടി മുൻസിഫ് കോടതിയുടെ വിധി. ചാലക്കുടി കാടുകുറ്റി സ്വദേശിയായ പ്രിൻസി ഫ്രാൻസിസ് ആണ് പരാതിക്കാരി. ഒപ്പം സിനിമയിൽ ഫോട്ടോ ഉപയോഗിച്ചു എന്നാണ് പരാതി.പ്രിയദര്‍ശന്‍റെ സംവിധാനത്തിൽ ആന്‍റണി പെരുമ്പാവൂര്‍ നിര്‍മിച്ച് മോഹൻലാൽ നായകനായ ഒപ്പം 2016ലാണ് പുറത്തിറങ്ങിയത്. ചിത്രത്തിലെ 29ാം മിനിറ്റിൽ പൊലീസ് ക്രൈം ഫയൽ മറിക്കുമ്പോൾ ക്രൂരമായി കൊല്ലപ്പെട്ട യുവതിയുടെ ഫോട്ടോ […]

രാത്രി കാലങ്ങളിൽ ആഡംബര കാറുകളുടെ ലോഗോ,ബാറ്ററി മോഷ്ടിക്കുന്ന സംഘം സജീവമാകുന്നതായി പരാതി. കുന്ദമംഗലം, ചേരിഞ്ഞാൽ തുടങ്ങിയ സ്ഥലങ്ങൾ കേന്ദ്രീകരിച്ചാണ് മോഷണം വ്യാപകമാകുന്നത്. കഴിഞ്ഞ ദിവസങ്ങളിൽ നിരവധി വാഹങ്ങളുടെ ലോഗോ മോഷണം പോയി.ബിഎംഡബ്ലിയു, പോർഷെ,തുടങ്ങിയ കാറുകളുടെ ലോഗോകളാണ് മോഷ്ടിക്കുന്നത്.വിലകൂടിയ കാറുകളുടെ ലോഗോ മോഷ്ടിച്ച് വിൽപ്പന നടത്തുകയാണ് കുട്ടി കള്ളന്മാർ.ഇത്തരം ലോഗോ വാങ്ങാൻ പ്രത്യേക സംഘങ്ങൾ തന്നെ പ്രവർത്തിക്കുന്നുണ്ട്.ആയിരക്കണക്കിന് വില വരുന്ന ലോഗോകളാണ് വിദ്യാർത്ഥികൾ നിന്ന് തുച്ഛമായ വിലയ്ക്ക്വാങ്ങുന്നത്.കഴിഞ്ഞദിവസം കുന്ദമംഗലത്ത് നിന്ന് ഇത്തരം വിദ്യാർത്ഥികളെ പിടികൂടിയിരുന്നു. ഇവരെ ചോദ്യം ചെയ്തപ്പോൾ […]

തിരുവനന്തപുരത്ത് ക്ഷേത്രോത്സവത്തിന്‍റെ ഭാഗമായി നടത്തിയ എഴുന്നള്ളിപ്പിനിടെ ആനപ്പുറത്തുനിന്ന് വീണ് ശാന്തിക്കാരന് ഗുരുതര പരിക്ക്. തിരുവനന്തപുരം കാവിൽക്കടവ് വലിയശാലയിലെ എഴുന്നള്ളിപ്പിനിടെയാണ് കാവിൽക്കടവ് കോവിലിലെ ശാന്തിക്കാരൻ ആനപ്പുറത്ത് നിന്ന് താഴേക്ക് വീണത്.ക്ഷേത്രത്തിലെ ശാന്തിക്കാരനായ പത്മനാഭനാണ് പരിക്കേറ്റത്. ഇന്ന് പുലര്‍ച്ചെയാണ് സംഭവം. ഗുരുതരമായി പരിക്കേറ്റ പത്മനാഭനെ സ്വകാര്യ ആശുപത്രിയിൽ പ്രവേശിപ്പിച്ചു. ഉറങ്ങിപ്പോയതാകാം താഴെ വീഴാൻ കാരണമെന്നാണ് സംശയം.

നിയമനം ലഭിക്കാത്തതിൽ പ്രതിഷേധിച്ചു വനിതാ കോൺസ്റ്റബിൾ റാങ്ക് ഹോൾഡർമാർ നിരാഹാര സമരത്തിൽ.റാങ്ക് ലിസ്റ്റ് അവസാനിക്കാൻ ഒരു മാസത്തിൽ താഴെ മാത്രം ശേഷിക്കെ 30 ശതമാനത്തില്‍ താഴെ ഉദ്യോഗാർഥികൾക്ക് മാത്രമാണ് നിയമനം ലഭിച്ചത്. ഈ പശ്ചാത്തലത്തിലാണ് ഉദ്യോഗാർഥികൾ സമരത്തിലേക്ക് കടക്കുന്നത്.ഉദ്യോഗാർഥികളായ ഹനീന,നിമിഷ, ബിനുസ്മിത എന്നിവരാണ് ഇന്നുമുതൽ നിരാഹാരമിരിക്കുന്നത്. മറ്റുള്ളവർ വാമൂടിക്കെട്ടി സമരം ചെയ്യുമെന്നും ഉദ്യോഗാർഥികൾ പറയുന്നു. സപ്ലിമെന്ററി ലിസ്റ്റിൽ നിന്ന് ഉൾപ്പെടെ 967 ഉദ്യോഗാർത്ഥികളിൽ 259 പേർക്ക് മാത്രമാണ് ഇതുവരെ നിയമന ശിപാർശകൾ ലഭിച്ചത്. ഉയർന്ന കട്ടോഫും ശാരീരിക […]

കോഴിക്കോട് വളയത്ത് നിന്ന് കാണാതായ അമ്മയെയും മക്കളെയും കണ്ടെത്തി. ഡൽഹി നിസാമുദീൻ ബസ്സ്റ്റാൻഡിൽ നിന്നുമാണ് മൂവരെയും കണ്ടെത്തിയത്. കുടുംബത്തിന്റെ നേതൃത്വത്തിൽ ഇന്നലെ ഡൽഹി കേന്ദ്രീകരിച്ച് തിരച്ചിൽ നടത്തിയിരുന്നു.ഡൽഹിയിലെ നിസാമുദീൻ റെയിൽവേ സ്റ്റേഷന് സമീപത്തെ എടിഎമ്മിൽ നിന്നും പണം പിൻവലിച്ചതായും അന്വേഷണസംഘം കണ്ടെത്തിയിരുന്നു. ഇതിന്റെ അടിസ്ഥാനത്തിലാണ് യുവതിയുടെ ഭർത്താവും സഹോദരനും ഡൽഹിയിൽ എത്തി സ്വന്തം നിലയിൽ പരിശോധന നടത്തിയത്. ഇന്നലെ രാത്രിയും ഇന്ന് രാവിലെയുമായി നടത്തിയ പരിശോധനയ്‌ക്കൊടുവിലാണ് ബസ്സ്റ്റാൻഡിൽ നിന്നും ബസ് കയറുന്നതിനിടെ ആഷിദയെയും മക്കളെയും കണ്ടെത്തുന്നത്.യുവതി സഞ്ചരിച്ച […]

വേനല്‍മഴ ലഭിച്ചതോടെ ഉണങ്ങിതുടങ്ങിയ പുഞ്ചപ്പാടങ്ങള്‍ പച്ചപുതച്ചു. വേനല്‍മഴ ലഭിക്കാന്‍ വൈകിയതോടെ പലരും സ്വന്തം നിലയില്‍ വെള്ളം പമ്പ് ചെയ്ത് കൃഷി സംരക്ഷിക്കാനും ശ്രമിച്ചിരുന്നു. എന്നാല്‍ വൈകിയെങ്കിലും അടുപ്പിച്ച് വേനല്‍മഴ ലഭിച്ചതോടെയാണ് പുച്ചപാടങ്ങള്‍ പച്ചപ്പട്ടണിഞ്ഞത്.നൂല്‍പ്പുഴ കണ്ണങ്കോട് പാടശേഖരത്തിലയെടക്കം പുഞ്ചപ്പാടങ്ങള്‍ കനത്ത വേനലിനെ തുടര്‍ന് വെള്ളമില്ലാതെ ഉണക്ക് ബാധി്ച്ചു തുടങ്ങിയിരുന്നു. പലകര്‍ഷകരും സ്വന്തംനിലയില്‍ കുഴല്‍കിണറില്‍ നിന്നടക്കം വെള്ളംപമ്പ് ചെയ്ത് വയലിലേക്ക് എത്തിച്ചിരുന്നു. പുഴയോരത്തുളള കര്‍ഷകര്‍ ചെറിയ ചാലിലൂടെ ഒഴുകിയെത്തുന്ന വെള്ളം കുഴിയെടുത്ത് അതില്‍ സംഭരിച്ച് ഇവിടെ നിന്നും പമ്പ് ചെയതുമായിരുന്നു […]

ആലപ്പുഴയിൽ ലോൺ അടവ് മുടങ്ങിയതിനെ തുടർന്ന് വൃദ്ധ ദമ്പതികളെ ഇറക്കിവിട്ട്‌ മണപ്പുറം ഫിനാൻസ്.കഴിഞ്ഞ ഒരാഴ്ചയായി വീടിന് പുറത്താണ് കുടുംബം ജീവിതം തള്ളി നീക്കുന്നത്. 2021ലാണ് മണപ്പുറം ഫിനാൻസിൽ നിന്ന് വീട് നിർമ്മാണത്തിന് വേണ്ടി ഇവർ ലോണെടുത്തിരുന്നത്. മറ്റ് ചില സാമ്പത്തിക ബുദ്ധിമുട്ടുകൾ കടന്ന് കൂടിയതോടെ 11 മാസത്തെ ലോൺ അടവ് മുടങ്ങുകയും പലിശയടക്കം ഇവർക്ക് തിരിച്ചടയ്ക്കാൻ സാധിക്കാതെ വരികയുമായിരുന്നു.അതേസമയം ജപ്തി നടപടി നേരിട്ട കുടുംബത്തിന്റെ അവസ്ഥ വളരെ ദൗർഭാ​ഗ്യകാരമാണെന്നും ജപ്തി നടപടിയിൽ ബാങ്കുമായി സംസാരിക്കാമെന്നും സാധ്യമായ കാര്യങ്ങൾ […]