കേന്ദ്ര ബജറ്റ് ധനമന്ത്രി നിര്മല സീതാരാമന് അവതരിപ്പിക്കുന്നു. എല്ലാവര്ക്കും പാര്പ്പിടവും വെള്ളവും ഊര്ജ്ജവും സാധ്യമാക്കുകയാണ് പ്രധാന ലക്ഷ്യമെന്ന് ധനമന്ത്രി. പിഎം ഗതിശക്തി പദ്ധതി, എല്ലാവരുടേയും വികസനം, ഉല്പാദന വികസനം, നിക്ഷേപ പ്രോത്സാഹനം എന്നിവയാണ് ബജറ്റില് ഊന്നല് നല്കുന്ന കാര്യങ്ങള്.കാര്ഷിക മേഖലയില് സ്റ്റാര്ട്ട്അപ്പുകള് പ്രോത്സാഹിപ്പിക്കും. താങ്ങുവില നല്കുന്നതിനായി 2.37 ലക്ഷം കോടി രൂപ മാറ്റി വയ്ക്കും. കര്ഷകര്ക്ക് പിന്തുണയ്ക്കായി കിസാന് ഡ്രോണുകള്. വിഷരഹിത കൃഷി പ്രോത്സാഹിപ്പിക്കാന് പ്രത്യേക പദ്ധതിയും ബജറ്റില് ഉള്പ്പെടുത്തി.എല്ഐഎസി താമസിക്കാതെ തന്നെ സ്വകാര്യവത്കരിക്കുമെന്നും ധനമന്ത്രി വ്യക്തമാക്കി.
അടുത്ത മൂന്ന് വര്ഷത്തിനുള്ളില് 400 പുതുതലമുറ വന്ദേഭാരത് തീവണ്ടികള് കൊണ്ടുവരുമെന്ന് ധനമന്ത്രി നിര്മല സീതാരാമന്. മൂന്നുവര്ഷത്തിനുള്ളില് 100 പി.എം. ഗതിശക്തി കാര്ഗോ ടെര്മിനലുകള് വികസിപ്പിക്കുമെന്നും മെട്രോ നിര്മാണത്തിനായി നൂതനമാര്ഗങ്ങള് നടപ്പിലാക്കുമെന്നും മന്ത്രി ബജറ്റ് പ്രസംഗത്തില് വ്യക്തമാക്കി.
പിഎം ഇ-വിദ്യയുടെ ഭാഗമായ വണ് ക്ലാസ് വണ് ടിവി ചാനല് പരിപാടി വിപുലീകരിക്കുമെന്ന് ധനമന്ത്രി നിര്മ്മലാ സീതാരാമന്. നിലവില് പന്ത്രണ്ട് ചാനലുകളാണ് ലഭിക്കുന്നത്. ഇത് 200 ചാനലുകളായി ഉയര്ത്തും. ഒന്നുമുതല് പന്ത്രണ്ടാം ക്ലാസ് വരെയുള്ള കുട്ടികള്ക്ക് പ്രയോജനം ചെയ്യുന്നതാണ് പരിപാടി. പ്രാദേശിക ഭാഷയില് കൂടിയും സംസ്ഥാനങ്ങള്ക്ക് കുട്ടികളുടെ വിദ്യാഭ്യാസം മെച്ചപ്പെടുത്താന് ഇതുവഴി സാധിക്കുമെന്നും ധനമന്ത്രി അറിയിച്ചു.അടുത്ത 25 വര്ഷത്തേയ്ക്കുള്ള വികസന രേഖയ്ക്ക് അടിത്തറയിടുന്നതാണ് ഈ ബജറ്റെന്ന് ധനമന്ത്രി വ്യക്തമാക്കി. സ്വാതന്ത്ര്യം നേടി നൂറ് വര്ഷമാകുമ്പോഴുള്ള ഇന്ത്യയുടെ വളര്ച്ച മുന്നില് കണ്ടുള്ളതാണ് ഈ വികസനരേഖ എന്ന് ബജറ്റ് അവതരണ വേളയില് നിര്മ്മല സീതാരാമന് വ്യക്തമാക്കി.
