ഷാരൂഖ് ഖാന്റെ മകന് ആര്യന് ഖാനെതിരെ ആഡംബര കപ്പലിലെ ലഹരിപാര്ട്ടി കേസില് തെളിവില്ലെന്ന് നര്ക്കോട്ടിക്സ് കണ്ട്രോള് ബ്യൂറോ. കേസിലെ നടപടികളിലും ലഹരി കണ്ടെത്താനായി അടക്കമുള്ള റെയ്ഡിലും പിഴവുകള് പറ്റിയതായാണ് എസ്ഐടിയുടെ റിപ്പോര്ട്ട്. ആര്യന്ഖാന് കൈവശം മയക്കുമരുന്ന് സൂക്ഷിച്ചിരുന്നില്ല. അതിനാല് ഫോണ് പിടിച്ചെടുക്കേണ്ട ആവശ്യം ഉണ്ടായിരുന്നില്ലെന്നും പ്രത്യേക അന്വേഷണ സംഘത്തിന്റെ റിപ്പോര്ട്ടില് പറയുന്നു.പലരില് നിന്നായി പിടികൂടിയ മയക്കുമരുന്ന ഒരു റിക്കവറി ആയി രേഖപ്പെടുത്തി. റെയ്ഡ് നടപടികള് വിഡിയോ റെക്കോര്ഡ് ചെയ്തില്ലെന്നും നാര്ക്കോട്ടിക് കണ്ട്രോള് ബ്യൂറോയുടെ പ്രത്യേക അന്വേഷണ സംഘം കണ്ടെത്തി. ആര്യന് ഖാന് മേല് എന്ഡിപിഎസ് ചാര്ജ് ചുമത്തണോ എന്നതില് നിയമോപദേശം തേടുമെന്നും എന്സിബി ചൂണ്ടിക്കാട്ടി.
