ന്യൂഡല്ഹി: രാഹുല് ഗാന്ധിയുടെ ലോക്സഭാ പ്രസംഗത്തില്നിന്നുമുള്ള ‘ഹിന്ദു’, ‘അഗ്നിവീര്’ പരാമര്ശങ്ങള് സഭാരേഖകളില് നിന്നും നീക്കി. ബിജെപിക്കെതിരായും, ആര്എസ്എസിനെതിരായുമുള്ള പരാമര്ശങ്ങളും നീക്കി.
ഹിന്ദുക്കള് എന്ന് സ്വയം അവകാശപ്പെടുന്ന പലരും തുടര്ച്ചയായി കള്ളങ്ങള് പറയുകയും അഹിംസയുടെയും അക്രമത്തിന്റെയും മാര്ഗങ്ങള് സ്വീകരിക്കുന്നു എന്നായിരുന്നു രാഹുലിന്റെ പരാമര്ശം. ഇതിനെതിരെ രാഹുല് ഹിന്ദുക്കളെ അപമാനിച്ചുവെന്ന മറുപടി നരേന്ദ്രമോദി നല്കിയിരുന്നു. രാഹുലിന്റെ പരാമര്ശം പരിശോധിക്കണമെന്ന് ആഭ്യന്തരമന്ത്രിയും പാര്ലമെന്ററി കാര്യ മന്ത്രിയുമടക്കം സ്പീക്കറോട് പിന്നീട് ആവശ്യപ്പെട്ടിരുന്നു. ഇതിന്റെ ഭാഗമായാണ് സഭാരേഖകളില്നിന്ന് പരാമര്ശം നീക്കിയത്.
