കൊടിയരിയുടെ നിര്യാണത്തിൽകുന്ദമംഗലത്ത് സർവ്വകക്ഷി അനുശോചനം നടത്തി കുന്ദമംഗലം: സിപിഐഎം പോളിറ്റ്ബ്യൂറോ അംഗവും മുൻ ആഭ്യന്തരമന്ത്രിയുമായിരുന്ന കൊടിയേരി ബാലകൃഷ്ണന്റെ നിര്യാണത്തിൽ സിപിഐഎം കുന്ദമംഗലം ഏരിയ കമ്മറ്റിയുടെ നേതൃത്വത്തിൽ സർവ്വകക്ഷി അനുശോചന യോഗം സംഘടിപ്പിച്ചു. സിപിഐഎം കുന്ദമംഗലം ഏരിയ കമ്മറ്റിയംഗം എം.കെ മോഹൻദാസ് അധ്യക്ഷത വഹിച്ച ചടങ്ങിൽ ഏരിയ കമ്മറ്റി അംഗം ഇ. വിനോദ് കുമാർ അനുശോചന പ്രമേയം അവതരിപ്പിച്ചു. സിപിഐഎം ജില്ല കമ്മറ്റിയംഗം പി.കെ പ്രേംനാഥ്, മുൻ എംഎൽഎ യു.സി രാമൻ, കുന്ദമംഗലം ബ്ലോക്ക് പഞ്ചായത്ത് പ്രസിഡണ്ട് ബാബു നെല്ലൂളി , പഞ്ചായത്ത് പ്രസിഡണ്ട് ലിജി പുൽകുന്നുമ്മൽ , ബ്ലോക്ക് പഞ്ചായത്ത് മെമ്പർ അരിയിൽ അലവി, ബിജെപി സംസ്ഥാന സമിതിയംഗം ടി.പി സുരേഷ്, ബ്ലോക്ക് കോൺഗ്രസ് കമ്മറ്റി പ്രസിഡണ്ട് എം.പി കേളു കുട്ടി, മുസ്ലിം ലീഗ് പഞ്ചായത്ത് കമ്മറ്റി പ്രസിഡണ്ട് അരിയിൽ മൊയ്തീൻ ഹാജി, ബാലസുബ്രമണ്യൻ, സി.കെ ഷമീം, അബ്ദുറഹ്മാൻ ഹാജി, ഭരതൻ മാസ്റ്റർ, അബ്ദു ഖാദർ, എൻ. കേളൻ, ജയശങ്കർ , ബഷീർ നീലാറമ്മൽ എന്നിവർ സംസാരിച്ചു. സിപിഐഎം ഏരിയ കമ്മറ്റി സെക്രട്ടറി പി. ഷൈപുസ്വാഗതവും ഏരിയ കമ്മറ്റിയംഗം എം എം സുധീഷ് കുമാർ നന്ദിയും പറഞ്ഞു.
