ലോകത്താകെ ഭീതി പരത്തിക്കൊണ്ടിരിക്കുന്ന കൊവിഡിന്റെ പുതിയ വകഭേദമായ ഒമിക്രോണിനെ തടയാന് മന്ത്രാലയങ്ങൾ ഏറെ ജാഗ്രതയോടെയാണ് പ്രവർത്തിക്കുന്നതെന്നും വാക്സിനേഷന് തന്നെയാണ് മുൻഗണന നൽകുന്നതെന്നും കേന്ദ്രമന്ത്രി അമിത് ഷാ
കൊവിഡ് വരുന്നതിന് മുൻപ് നരേന്ദ്ര മോദി അധികാരത്തിലെത്തിയത് ഭാഗ്യമായെന്നും വെല്ലുവിളികളെ നേരിടാൻ മോദിക്ക് കഴിഞ്ഞെന്നും അമിത് ഷാ കൂട്ടിച്ചേര്ത്തു.
അതേ സമയം രാജ്യത്ത് ഒമിക്രോൺ തീവ്രമായേക്കില്ലെന്നാണ് കേന്ദ്ര നിലപാട്. രോഗലക്ഷണങ്ങൾ നേരിയ തോതില് മാത്രമാണ് പ്രകടമാകുന്നതെന്നാണ് കേന്ദ്രം വ്യക്തമാക്കുന്നത്. മുൻ വകഭേദങ്ങളേക്കാൾ വേഗത്തിൽ സുഖപ്പെടുന്നുണ്ട്. രോഗവ്യാപനം തീവ്രമായില്ലെങ്കിൽ മൂന്നാം തരംഗ സാധ്യത കുറവെന്നും ആരോഗ്യമന്ത്രാലയം വ്യക്തമാക്കുന്നു. ഒമിക്രോണ് ഭീഷണിയില് ബൂസ്റ്റര് ഡോസ് നല്കുന്നത് സര്ക്കാരിന്റെ സജീവപരിഗണനയിലാണ്.
നിലവിലെ വാക്സീനുകളുടെ പ്രതിരോധ ശേഷിയെ മറികടക്കാന് ഒമിക്രോണിനാകുമെന്ന റിപ്പോര്ട്ടുകളുടെ പശ്ചാത്തലത്തിൽ ബൂസ്റ്റര് ഡോസ് ആവശ്യം ശക്തമാകുകയാണ്. 40 വയസിന് മുകളില് രോഗപ്രതിരോധ ശേഷി കുറഞ്ഞവര്ക്കും മറ്റ് രോഗങ്ങളലട്ടുന്നവര്ക്കും ബൂസ്റ്റര് ഡോസ് നല്കാമെന്ന് സര്ക്കാരിന്റെ തന്നെ കൊവിഡ് ജീനോം മാപ്പിംഗ് ഗ്രൂപ്പ് ശുപാര്ശ നല്കുകയും ചെയ്തു. വിദഗ്ധ സമിതി ഇക്കാര്യം പരിശോധിക്കുകയാണെന്ന് ആരോഗ്യമന്ത്രി ലോക്സഭയെ അറിയിച്ചിട്ടുണ്ട്. കുട്ടികളുടെ വാക്സിനേഷിലും വൈകാതെ തീരുമാനമുണ്ടാകുമെന്ന സൂചന ആരോഗ്യമന്ത്രി നല്കി.
