വിമാനത്തിൽ സഹയാത്രികന്റെ മേൽ വിദ്യാർത്ഥി മൂത്രമൊഴിച്ചു.ന്യൂയോര്ക്കില്നിന്ന് ന്യൂഡല്ഹിയിലേക്ക് പുറപ്പെട്ട അമേരിക്കന് വിമാനത്തിലാണ് സംഭവം. യു.എസ് സര്വകലാശാലാ വിദ്യാര്ഥിയാണ് മൂത്രമൊഴിച്ചത്.ശനിയാഴ്ച്ച രാത്രി പത്തോടു കൂടിയാണ് വിമാനം ദില്ലിയിൽ എത്തേണ്ടിയിരുന്നത്. വിമാനം ഇറങ്ങുന്നതിന് മുമ്പാണ് സംഭവം. ഈ വിദ്യാർത്ഥി മദ്യപിച്ചിരുന്നതായി എയർലൈൻസ് ജീവനക്കാർ പറയുന്നു. ന്യൂയോര്ക്കില്നിന്ന് രാത്രി 9.15-ന് പുറപ്പെട്ട് ഡല്ഹിയില് ശനിയാഴ്ച ഉച്ചയോടെ ഇറങ്ങിയ എ.എ.292 വിമാനത്തിലാണ് സംഭവം. യാത്രയ്ക്കിടെ മദ്യലഹരിയിലായിരുന്ന യുവാവ് ഉറക്കത്തില് മൂത്രമൊഴിച്ചു. ഇത് സമീപത്തുള്ളയാളുടെ ദേഹത്തായി. ഇതോടെ ഇയാള് അധികൃതരെ അറിയിച്ചു. അതേസമയം മൂത്രമൊഴിച്ച വിദ്യാര്ഥി ക്ഷമാപണം നടത്തിയതിനാല്, അയാളുടെ അഭ്യര്ഥന മാനിച്ച് പോലീസില് അറിയിക്കുന്നില്ലെന്ന് സഹയാത്രികന് പറഞ്ഞു. എന്നാല് വിമാനം അധികൃതര് വിഷയം ഗൗരവത്തിലെടുക്കുകയും വിമാനത്താവളത്തിലെ എയര് ട്രാഫിക് കണ്ട്രോളറെ വിവരമറിയിക്കുകയും ചെയ്തു. ഇതേത്തുടര്ന്ന് വിദ്യാര്ഥിയെ ഡല്ഹി പോലീസിന് കൈമാറി.സിവിൽ ഏവിയേഷൻ നിയമമനുസരിച്ച് യാത്രക്കാരന്റെ മോശം പെരുമാറ്റത്തിന് കുറ്റക്കാരനാണെന്ന് കണ്ടെത്തിയാൽ ക്രിമിനൽ നിയമപ്രകാരമുള്ള നടപടിക്ക് അയാൾ വിധേയനാകും.
