കോണ്ഗ്രസ് നേതാക്കളായ രാഹുല് ഗാന്ധിക്കും പ്രിയങ്ക ഗാന്ധിക്കും ലഖിംപൂരിലേക്ക് പോകാന് അനുമതി. രാഹുല് ഗാന്ധി, പ്രിയങ്ക ഗാന്ധി എന്നിവരും മറ്റു മൂന്ന് കോണ്ഗ്രസ് നേതാക്കളും ലഖിംപുരിലെത്തി കൊല്ലപ്പെട്ട കര്ഷകരുടെ കുടുംബങ്ങളെ കാണും.
നേരത്തെ ലഖിംപൂരില് കൊല്ലപ്പെട്ട കര്ഷകരുടെ വീട് സന്ദര്ശിക്കാന് പുറപ്പെട്ട പ്രിയങ്ക ഗാന്ധിയെ പൊലീസ് അറസ്റ്റ് ചെയ്തിരുന്നു. ലഖിംപൂര് സന്ദര്ശിക്കാന് രാഹുലിനെ അനുവദിക്കില്ലെന്നും പൊലീസ് പറഞ്ഞിരുന്നു.
എന്തൊക്കെ തടസമുണ്ടായാലും ലഖിംപൂരില് കൊല്ലപ്പെട്ട കര്ഷകരുടെ കുടുംബത്തെ കാണാന് രാഹുല് ഗാന്ധി എത്തുമെന്ന് കോണ്ഗ്രസ് നേതാവ് കെ.സി. വേണുഗോപാല് പറഞ്ഞിരുന്നു.
