കേരള സ്റ്റേറ്റ് ഹൗസിംഗ് ഫെഡറേഷൻ്റെ എർണാകുളത്തു വെച്ച് നടന്ന വാർഷിക പൊതുയോഗത്തിൽ 25 വർഷത്തിലധികം പ്രൈമറി ഹൗസിംഗ് സൊസൈറ്റികളിൽ പ്രസിഡൻ്റ് മാരായിരുന്ന സഹകാരികളെ ആദരിച്ചിരുന്നു. അസുഖം മൂലം പ്രസ്തുത പരിപാടിയിൽ പങ്കെടുക്കാൻ സാധിക്കാതിരുന്ന കുന്ദമംഗലം കോ .ഓപ്പറേറ്റീവ് റൂറൽ ഹൗസിംഗ് സൊസൈറ്റിയുടെ സ്ഥാപകനും 39 വർഷക്കാലം പ്രസിഡൻ്റായി സേവനമനുഷ്ഠിക്കുകയും ചെയ്ത മികച്ച സഹകാരിയും പൊതു പ്രവർത്തകനുമായസി.കെ ദാമോദരൻ മാസ്റ്ററെ അദ്ദേഹത്തിൻ്റ വസതിയിലെത്തി പൊന്നാടയണിച്ചു മൊമൻ്റോയും ഉപഹാരങ്ങളും നൽകി ആദരിച്ചു.ചടങ്ങിൽ കുന്ദമംഗലം കോ ഓപ്പറേറ്റീവ് റൂറൽ ഹൗസിംഗ് സൊസൈറ്റി വൈസ് പ്രസിഡൻ്റ് സി.പി രമേശൻ, സംഘം സെക്രട്ടറി കൃഷ്ണപ്രസാദ്. വിപി, ജീവനക്കാരായ ഗിരീഷ് ടി.കെ, അജേഷ് പൊയിൽതാഴം എന്നിവർ പങ്കെടുത്തു.
