വിദേശരാജ്യങ്ങളില് നിന്ന് മുംബൈയിലേക്ക് തിരിച്ചെത്തിയ എത്തിയ 109 പേരെ കണ്ടെത്താനായില്ല. താണെ ജില്ലയിലേക്കെത്തിയ 295 യാത്രക്കാരിൽ 109 പേരെയാണ് കണ്ടെത്താനുള്ളതെന്ന് അധികൃതര് അറിയിച്ചു.
വിദേശത്ത് നിന്ന് എത്തിയവരുടെ ഫോണുകളില് ബന്ധപ്പെടാന് ശ്രമിക്കുന്നുണ്ടെങ്കിലും മൊബൈല് സ്വിച്ച് ഓഫ് ആണെന്ന പ്രതികരണമാണ് ലഭിക്കുന്നത്.കൂടാതെ മറ്റുചിലര് നല്കിയ വിലാസം തെറ്റാണെന്നും കണ്ടെത്തിയെന്ന് കല്ല്യാണ് ഡോംബിവാലി മുന്സിപ്പല് കോര്പ്പറേഷന് മേധാവി വിജയ് സൂര്യവാന്ഷി പ്രതികരിച്ചു.
‘At Risk’ രാജ്യങ്ങളില് നിന്നെത്തുന്നവര് നിര്ബന്ധമായും ഏഴ് ദിവസം ഹോം ക്വാറന്റീനില് കഴിയണമെന്നും എട്ടാം ദിവസം കോവിഡ് പരിശോധന നടത്തണമെന്നുമാണ് നിര്ദേശം. നെഗറ്റീവ് ആണെങ്കിലും ഏഴ് ദിവസം കൂടി ക്വാറന്റീനില് കഴിയണം. ക്വാറന്റീന് പാലിക്കപ്പെടുന്നുണ്ടെന്ന് ഉറപ്പാക്കാന് ഹൗസിങ് സൊസൈറ്റി അംഗങ്ങള്ക്ക് ചുമതലയുണ്ടെന്നും അദ്ദേഹം പറഞ്ഞു.
മുബൈയില് രണ്ട് പേര്ക്ക് കോവിഡിന്റെ ഒമിക്രോണ് വകഭേദം സ്ഥിരീകരിച്ചിട്ടുണ്ട്.
