ഝാന്സിയില് മലയാളി കന്യാസ്ത്രീകള്ക്ക് എതിരെ അതിക്രമം നടത്തിയ കേസില് മൂന്ന് പ്രതികള്ക്കും ജാമ്യം. ജില്ലാ മജിസ്ട്രേറ്റ് കോടതിയാണ് ജാമ്യം അനുവദിച്ചത്.എബിവിപി നേതാവ് അജയ് ശങ്കർ തിവാരി, രാഷ്ട്രീയ ഭക്ത് സംഘട്ടൻ പ്രസിഡന്റ് അഞ്ജൽ അർജാരിയ, ഹിന്ദു ജാഗരൺ മഞ്ച് സെക്രട്ടറി പുർഗേഷ് അമാരിയ എന്നിവര്ക്കാണ് ജാമ്യം ലഭിച്ചത്. കൂടുതൽ വാദത്തിനായി കേസ് ഏപ്രിൽ 22ലേക്ക് മാറ്റി. മൂന്ന് പേരെയായിരുന്നു പൊലീസ് അറസ്റ്റ് ചെയ്തത്
ട്രെയിനില്വെച്ചാണ് മലയാളികളുള്പ്പെടെയുള്ള കന്യാസ്ത്രീകള് അതിക്രമത്തിനിരയായത്. സംഭവത്തില് നടപടിയെടുക്കണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന് കേന്ദ്ര ആഭ്യന്തര മന്ത്രി അമിത് ഷായ്ക്ക് കത്തയച്ചിരുന്നു.
ഒഡിഷയിലേക്ക് പോകുകയായിരുന്ന കന്യാസ്ത്രീകളടക്കമുള്ള നാല് പേര്ക്കെതിരെ ട്രെയ്നില് വെച്ചും പിന്നീട് ഝാന്സി റെയില്വേ സ്റ്റേഷനില് വെച്ചും സംഘപരിവാര് ആക്രമണമുണ്ടായത്. ഒഡിഷയില് നിന്നുള്ള രണ്ട് കന്യാസ്ത്രീ വിദ്യാര്ത്ഥികളെ വീട്ടിലാക്കുന്നതിന് വേണ്ടി മലയാളിയായ കന്യാസ്ത്രീയും മറ്റൊരു കന്യാസ്ത്രീയും കൂടി ദല്ഹിയില് നിന്നും വരികയായിരുന്നു. വിദ്യാര്ത്ഥികള് സാധാരണ വസ്ത്രവും കന്യാസ്ത്രീകള് സഭാവസ്ത്രത്തിലുമായിരുന്നു. തിരുഹൃദയ സന്യാസിനി സമൂഹത്തില് ഉള്പ്പെട്ടവരായിരുന്നു ഇവര്.
