ഇന്ത്യ – ദക്ഷിണാഫ്രിക്ക T20 പരമ്പരയിലെ ആദ്യ മത്സരം ഇന്ന്. ദക്ഷിണാഫ്രിക്കയിലെ ഡര്ബന് ക്രിക്കറ്റ് സ്റ്റേഡിയത്തില് രാത്രി 8.30നാണ് മത്സരം. സഞ്ജു സാംസൺ ഓപ്പണറായേക്കുമെന്ന് റിപോർട്ടുണ്ട്, രമണ്ദീപ് സിംഗ്, വിജയ്കുമാര് എന്നിവര്ക്ക് അരങ്ങേറ്റം ലഭിക്കുമോ എന്നും ആകാംക്ഷയോടെ കാത്തിരിക്കുകയാണ് ആരാധകർ . ഗൗതം ഗംഭീറിന് പകരം വിവിഎസ് ലക്ഷ്മണാണ് ഇന്ത്യയുടെ പരിശീലകന്.
അതെ സമയം, മത്സരത്തിന് മഴ ഭീഷണി നേരിടുന്നുണ്ട്. പ്രതികൂല കാലാവസ്ഥ കാരണം ആദ്യ മത്സരത്തില് ഇടയ്ക്കിടെ മഴ എത്തിയേക്കും. അക്യുവെതര് 47 ശതമാനം മഴ പെയ്യാന് സാധ്യതയുണ്ട്. ശേഷിക്കുന്ന ദിവസങ്ങളില്, മഴയ്ക്കുള്ള സാധ്യത 50% ത്തില് കൂടുതലാണ്.
സൂര്യകുമാറിന്റെ നായക മികവില് ശ്രിലങ്ക, ബംഗ്ലാദേശ് ട്വന്റി പരമ്പരകള് ഇന്ത്യ സ്വന്തമാക്കിയിരുന്നു. ഹാട്രിക്ക് പരമ്പര നേട്ടമാണ് സൂര്യകുമാര് ലക്ഷ്യമിടുന്നത്. മിന്നും ഫോമിലുള്ള ഹാര്ദിക് പാണ്ഡ്യ, തിലക് വര്മ്മ, റിങ്കു സിംഗ് എന്നിവരുടെ ബാറ്റിംഗിലും പ്രതീക്ഷകളേറെ. 2023ല് പ്രോട്ടീസിനെതിരായ ഏകദിനത്തില് സഞ്ജു ഏകദിനത്തില് സെഞ്ച്വറി നേടിയതും ആരാധര്ക്കും പ്രതീക്ഷയേകുന്നു.
