രാജ്യത്ത് കൊവിഡ് കേസുകൾ കുറയുന്നു;19,740 പേര്‍ക്ക് കോവിഡ്; 248 മരണം

രാജ്യത്ത് കൊവിഡ് കേസുകൾ കുറയുന്നു. കഴിഞ്ഞ ദിവസം 19,740 പേർക്കാണ് പുതിയതായി കൊവിഡ് സ്ഥിരീകരിച്ചത്. കേന്ദ്ര ആരോഗ്യ മന്ത്രാലയത്തിന്റെ കണക്കുകൾ പ്രകാരം രാജ്യത്ത്
2,36,643 പേരാണ് രോഗ ബാധിതരായി ചികിത്സയിൽ തുടരുന്നത്.248 മരണമാണ് കോവിഡ് മൂലം രാജ്യത്ത് ഇന്നലെ സംഭവിച്ചത്. ഇതോടെ മഹാമാരി ബാധിച്ച് മരിച്ചവരുടെ എണ്ണം 4,50,375 ആയി ഉയര്‍ന്നു. ഏറ്റവും കൂടുതല്‍ പ്രതിദിന മരണങ്ങള്‍ സംഭവിക്കുന്നത് കേരളത്തിലാണ്. സംസ്ഥാനത്ത് ഇന്നലെ 120 കോവിഡ് മരണങ്ങളാണ് റിപ്പോര്‍ട്ട് ചെയ്തത്.
23,070 പേർ രോഗമുക്തി നേടി. രോഗമുക്തി നിരക്ക് 97.98 ശതമാനമായി ഉയർന്നു.രാജ്യത്തെ ആകെ കൊവിഡ് വാക്‌സിൻ സ്വീകരിച്ചവരുടെ എണ്ണം 93കോടി 99 ലക്ഷം കവിഞ്ഞു