ഇന്ന് മുതൽ പ്ലേ സ്റ്റോറിൽ കോൾ റെക്കോർഡിങ് ആപ്പുകൾ ലഭ്യമാകില്ല. കഴിഞ്ഞ മാസം ഗൂഗിൾ പ്ലേ സ്റ്റോറിൽ നിന്ന് എല്ലാ റെക്കോർഡിങ് ആപ്പുകളും നിരോധിക്കുന്നതായി പ്രഖ്യാപിച്ചിരുന്നു. ഇതോടെ പ്ലേ സ്റ്റോറിലെ എല്ലാ കോള് റെക്കോര്ഡിംഗ് ആപ്പുകളും പ്രവര്ത്തന രഹിതമാകുമെങ്കിലും ഇൻ ബിൽറ്റ് കോൾ റെക്കോർഡിങ് ഫീച്ചറുമായി വരുന്ന ഫോണുകൾക്ക് മാറ്റങ്ങളുണ്ടാകില്ല. കോളുകള് റെക്കോര്ഡ് ചെയ്യുന്നത് ഉപയോക്താക്കളുടെ സ്വകാര്യതയിലേക്കുള്ള കടന്നുകയറ്റമാണെന്ന് വിലയിരുത്തലിലാണ് നിര്ണായക തീരുമാനം.
വർഷങ്ങളായി കോൾ റെക്കോർഡിങ് ആപ്പുകൾക്കെതിരെ ഗൂഗിൾ തങ്ങളുടെ നിലപാട് വ്യക്തമാക്കാറുണ്ട് അത് കൊണ്ട് തന്നെ ഗൂഗിളിന്റെ സ്വന്തം ഡയലർ ആപ്പിലെ റെക്കോർഡിങ് ഫീച്ചർ ഈ കോള് ഇപ്പോള് റെക്കോര്ഡ് ചെയ്യപ്പെടുന്നു’ എന്ന് മുന്കൂറായി അറിയിച്ച ശേഷമാണ് റെക്കോര്ഡിംഗ് ആരംഭിക്കുന്നത്.
എന്നാല് പ്ലേ സ്റ്റോറില് ലഭിക്കുന്ന ആപ്പുകള് ഉപയോഗിച്ച് റെക്കോര്ഡ് ചെയ്യുന്നത് മറുവശത്ത് സംസാരിക്കുന്നവര് അറിയാറില്ല. ഇത് സ്വകാര്യതയ്ക്ക് ഭീഷണിയാണെന്നാണ് ഗൂഗിളിന്റെ നിലപാട്. പുതിയ വിലക്ക് മൂന്നാം കക്ഷി ആപ്പുകളെ മാത്രമേ ബാധിക്കുകയുള്ളൂവെന്ന് ഗൂഗിള് വ്യക്തമാക്കിയിട്ടുണ്ട്.
