രാജ്യത്ത് ഉള്ളി വില ഈ മാസം അവസാനത്തോടെ കിലോയ്ക്ക് 30 രൂപ വരെ വർധിച്ചേക്കുമെന്ന് റിപ്പോർട്ടുകൾ. കനത്ത മഴയിലെ കൃഷിനാശവും വിളവെടുപ്പ് വൈകുന്നതും വിലക്കയറ്റത്തിന് കാരണമായേക്കുമെന്നാണ് റിപ്പോർട്ടുകൾ വ്യക്തമാക്കുന്നത്. എന്നാൽ വില നിയന്ത്രണത്തിന് വേണ്ട നടപടികൾ എടുത്തെന്നാണ് കേന്ദ്രസർക്കാർ വ്യക്തമാക്കുന്നത്.
ഡല്ഹിയിലെ ചില്ലറ വിപണിയില് നിലവില് 40 രൂപയാണ് ഉള്ളി വില. കനത്ത മഴയും എണ്ണവില കൂടുന്നതും വരും മാസങ്ങളില് വില കൂടാനുള്ള സാധ്യതയുണ്ടെന്നാണ് വ്യാപാരികള് പറയുന്നത്. മഹാരാഷ്ട്ര, കര്ണാടക, ആന്ധ്ര എന്നിവിടങ്ങളിലാണ് പ്രധാനമായും ഉള്ളി കൃഷി ചെയ്യുന്നത്. ഈ പ്രദേശങ്ങളിലുണ്ടായ പ്രകൃതിക്ഷോഭവും കനത്ത മഴയും കൃഷിയെ കാര്യമായി ബാധിച്ചിട്ടുണ്ട്.
കഴിഞ്ഞ വര്ഷം രാജ്യത്ത് ഉള്ളി വില കുത്തനെ കൂടിയിരുന്നു. ഡല്ഹിയില് പലയിടങ്ങളിലും കിലോയ്ക്ക് 150 രൂപ വരെ എത്തിയിരുന്നു. സമാന സാഹചര്യം ഈ വര്ഷവുമുണ്ടാകാനുള്ള സാധ്യതയുണ്ടെന്ന് വിപണിയിലെ വില നിലവാരത്തെ കുറിച്ച് പഠിക്കുന്ന ഏജന്സിയായ ക്രിസിലും വ്യക്തമാക്കുന്നു
