നിയമസഭാ തിരഞ്ഞെടുപ്പില് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് ഗോരഖ്പുര് മണ്ഡലത്തില് മത്സരിക്കും.ഫെബ്രുവരി 10 മുതല് നടക്കാനിരിക്കുന്ന ഉത്തര്പ്രദേശ് അസംബ്ലി തെരഞ്ഞെടുപ്പിനുള്ള ആദ്യഘട്ട സ്ഥാനാര്ഥി പട്ടിക പുറത്തിറക്കി ബി ജെ പി പുറത്തിറക്കി. അയോധ്യയില് നിന്നും യോഗി മത്സരിച്ചേക്കുമെന്ന് സൂചനയുണ്ടായിരുന്നു.12 മണിയോടെയാണ് ബി.ജെ.പി തങ്ങളുടെ ആദ്യ സ്ഥാനാര്ത്ഥി പട്ടിക പുറത്തുവിട്ടത്. ഗൊരഖ്പൂര് സീറ്റിലേക്കുള്ള വോട്ടെടുപ്പ് മാര്ച്ച് 3ാം തീയതിയാണ് നടക്കുന്നത്.
ഫെബ്രുവരി 10 മുതല് 14 വരെ നടക്കുന്ന ആദ്യ രണ്ട് ഘട്ടങ്ങളിലെ തെരഞ്ഞെടുപ്പിനുള്ള സ്ഥാനാര്ഥി പട്ടികയാണ് ഉത്തര്പ്രദേശില് ബിജെപി പുറത്തിറക്കിയിരിക്കുന്നത്. ഏഴ് ഘട്ടങ്ങളായാണ് ഉത്തര്പ്രദേശില് തെരഞ്ഞെടുപ്പ് നടക്കുക. ഫെബ്രുവരി 10ന് ആരംഭിക്കുന്ന തെരഞ്ഞെടുപ്പ് മാര്ച്ച് ഏഴുവരെ നീണ്ടുനില്ക്കും. മാര്ച്ച് 10നാണ് ഫലം പ്രഖ്യാപിക്കുക.തെരഞ്ഞെടുപ്പ് നടക്കുന്ന അഞ്ച് സംസ്ഥാനങ്ങളില് നാലിലും ബി.ജെ.പിയാണ് ഭരണത്തില്. ഉത്തര്പ്രദേശ്, ഉത്തരാഖണ്ഡ്, ഗോവ, മണിപ്പൂര് എന്നിവിടങ്ങളിലാണ് ബി.ജെ.പി ഭരണത്തിലുള്ളത്. പഞ്ചാബില് കോണ്ഗ്രസാണ് ഭരണകക്ഷി.
