വടകര: ഓര്ക്കാട്ടേരിയില് ഗാര്ഹിക പീഡനത്തെ തുടര്ന്ന് ഷബ്ന ആത്മഹത്യ ചെയ്ത കേസില് ഭര്ത്താവ് ഹബീബിന്റെയും സഹോദരിയുടേയും മുന്കൂര് ജാമ്യാപേക്ഷ കോടതി തള്ളി. റിമാന്റിലുള്ള ഭര്തൃ മാതാവ് നബീസയുടേയും അമ്മാവന് ഹനീഫയുടെയും ജാമ്യാപേക്ഷയും കോഴിക്കോട് ജില്ലാ കോടതി തള്ളി. അതേ സമയം, ഭര്തൃപിതാവിന് പ്രായം പരിഗണിച്ച് കോടതി മുന്കൂര് ജാമ്യം നല്കി. ഭര്ത്താവിന്റെ അമ്മാവന് മര്ദ്ദിച്ചതിന് പിന്നാലെയായിരുന്നു ഷബ്ന ആത്മഹത്യ ചെയ്തത്.
ആയഞ്ചേരി സ്വദേശിയായ ഷബ്ന ഓര്ക്കാട്ടേരിയിലെ ഭര്തൃവീട്ടില് ആത്മഹത്യ ചെയ്ത സംഭവത്തില് ഭര്ത്താവിന്റെ അമ്മാവനായ ഹനീഫയെ മാത്രമായിരുന്നു പൊലീസ് ആദ്യം പ്രതി ചേര്ത്തിരുന്നത്. ഷബ്നയെ ഹനീഫ മര്ദ്ദിക്കുന്ന സി സി ടി വി ദൃശ്യങ്ങള് പുറത്തു വന്നതോടെ ഇയാളെ അറസ്റ്റ് ചെയ്തു.
