മോദിയ്ക്കെതിരെ പോസ്റ്റര് പതിപ്പിച്ചവരെ ദല്ഹി പൊലീസ് അറസ്റ്റ് ചെയ്ത സംഭവത്തില് പ്രതിഷേധം ശക്തമാക്കി പ്രതിപക്ഷം. തങ്ങളെയും അറസ്റ്റ് ചെയ്യുവെന്ന് ട്വീറ്റ് ചെയ്ത് കോണ്ഗ്രസ് നേതാവ് രാഹുല് ഗാന്ധിയടക്കമുള്ള നേതാക്കള് രംഗത്തെത്തിയിരിക്കുകയാണ്.
‘എന്നെയും അറസ്റ്റ് ചെയ്യൂ’ എന്നാണ് രാഹുല് ട്വീറ്റ് ചെയ്തിരിക്കുന്നത്.
Arrest me too.
— Rahul Gandhi (@RahulGandhi) May 16, 2021
मुझे भी गिरफ़्तार करो। pic.twitter.com/eZWp2NYysZ
https://twitter.com/scribe_prashant/status/1393838353011724291?ref_src=twsrc%5Etfw%7Ctwcamp%5Etweetembed%7Ctwterm%5E1393838353011724291%7Ctwgr%5E%7Ctwcon%5Es1_&ref_url=https%3A%2F%2Fwww.doolnews.com%2Fopposition-leaders-slams-modi-after-delhi-police-arrests-333.html
‘മോദിജീ, എന്തുകൊണ്ടാണ് നമ്മുടെ കുട്ടികള്ക്കുള്ള വാക്സിന് വിദേശികള്ക്ക് നല്കുന്നത്’ എന്ന് ചോദിച്ചുകൊണ്ടാണ് രാഹുല് ഗാന്ധിയുടെ ട്വീറ്റ്. ‘എന്നെയും അറസ്റ്റ് ചെയ്യൂ’ എന്നും ട്വീറ്റ് പറയുന്നു. ഹിന്ദിയിലും ഇംഗ്ലീഷിലും അദ്ദേഹം ഇത് ട്വീറ്റ് ചെയ്തിട്ടുണ്ട്.
കോവിഡിനെ പ്രതിരോധിക്കുന്നതില് പ്രധാനമന്ത്രിക്കും സര്ക്കാരിനും ഉണ്ടായ പരാജയം ചൂണ്ടിക്കാട്ടി ഡല്ഹിയില് നിരവധി പോസ്റ്ററുകള് പ്രത്യക്ഷപ്പെട്ടിരുന്നു. ‘മോദിജീ, എന്തുകൊണ്ടാണ് നമ്മുടെ കുട്ടികള്ക്കുള്ള വാക്സിന് വിദേശികള്ക്ക് നല്കുന്നത്’ എന്നായിരുന്നു ഇതില് ചില പോസ്റ്ററുകളില് എഴുതിയിരുന്നത്. ഇതിനെ തുടര്ന്ന് ഡല്ഹി പോലീസ് വ്യാപകമായി കേസെടുക്കുകയും 17 പേരെ അറസ്റ്റ് ചെയ്യുകയും ചെയ്തു.
