ഫോബ്സിന്റെ ഏറ്റവും പുതിയ റിപ്പോര്ട്ട് പ്രകാരം ലോകസമ്പന്നരില് രണ്ടാം സ്ഥാനത്തേക്ക് ഗൗതം അദാനി. ആമസോണ് സ്ഥാപകന് ജെഫ് ബെസോസിനെയും ലൂയിസ് വിട്ടന്റെ ബെര്നാഡ് അര്നോള്ട്ടിനെയും പിന്തള്ളിക്കൊണ്ടാണ് അദാനി രണ്ടാം സ്ഥാനത്തേക്കെത്തിയത്. നിലവില് ഫോബ്സിന്റെ കണക്കുപ്രകാരം 154.7 ബില്യണ് ഡോളറാണ് ഗൗതം അദാനിയുടെ ആസ്തി.
നിലവില് ലോകസമ്പന്നരില് ഒന്നാം സ്ഥാനത്ത് തുടരുന്നത് സ്പേസ് എക്സ് സ്ഥാപകന് ഇലോണ് മസ്ക് തന്നെയാണ്. 273.5 ബില്യണ് ഡോളറാണ് മസ്കിന്റെ ആസ്തി.
കഴിഞ്ഞ മാസം അര്നോള്ട്ടിനെ പിന്തള്ളി അദാനി മൂന്നാം സ്ഥാനത്ത് എത്തിയിരുന്നെങ്കിലും മസ്കിനും ബെസോസിനും പിന്നിലായിരുന്നു. ഫോര്ബ്സിന്റെ സമ്പന്നരുടെ പട്ടികയില് ഇപ്പോള് അര്നോള്ട്ട് മൂന്നാം സ്ഥാനത്തും ബെസോസ് നാലാം
അദാനി പോര്ട്ട്സ്, അദാനി ഗ്രീന് എനര്ജി, അദാനി ടോട്ടല് ഗ്യാസ് എന്നിങ്ങനെ നീളുന്നു അദാനിയുടെ ഉടമസ്ഥതയിലുള്ള കമ്പനികള്. 1988 ലാണ് സാധനങ്ങള് കയറ്റുമതി ചെയ്യാനും ഇറക്കുമതി ചെയ്യാനും അദാനി എന്റര്പ്രൈസസ് ആരംഭിക്കുന്നത്. 1994 ല് മുന്ദ്ര പോര്ട്ടില് ഹാര്ബര് സൗകര്യങ്ങള് വികസിപ്പിക്കാന് കമ്പനിക്ക് അനുമതി ലഭിച്ചു.
ഇന്ന് ഇന്ത്യയിലെ ഏറ്റവും വലിയ സ്വകാര്യ തുറമുഖമാണ് മുന്ദ്ര പോര്ട്ട്. 2009 ലാണ് അദാനി ഊര്ജ മേഖലയിലേക്ക് ചുവടുവയ്ക്കുന്നത്. 2020 ല് ഇന്ത്യയിലെ ഏറ്റവും തിരക്കുള്ള രണ്ടാംത്തെ വിമാനത്താവളമായ മുംബൈ അന്താരാഷ്ട്ര വിമാനത്താവളത്തിന്റെ 74% ഓഹരിയും അദാനി സ്വന്തമാക്കി.
