ഫെബ്രുവരി 14ന് നടക്കാനിരുന്ന പഞ്ചാബ് നിയമസഭാ തെരഞ്ഞെടുപ്പ് അതേമാസം 20 തീയതിയിലേക്ക് മാറ്റി തെരഞ്ഞെടുപ്പ് കമ്മീഷന്. ഗുരു രവിദാസ് ജയന്തി തീര്ത്ഥാടനം പരിഗണിച്ച് തെരഞ്ഞെടുപ്പ് മാറ്റി വെക്കണമെന്ന് ബിജെപി, കോണ്ഗ്രസ് ഉള്പ്പെടെയുള്ള രാഷ്ട്രീയ പാര്ട്ടികള് ആവശ്യപ്പെട്ടിരുന്നു ഇതേ തുടർന്ന് ഇന്ന് ചേര്ന്ന തെരഞ്ഞെടുപ്പ് കമ്മീഷന് യോഗത്തിലാണ് തീരുമാനമെടുത്തത് .
പഞ്ചാബിലെ 32 ശതമാനത്തോളം വരുന്ന ദളിത് വിഭാഗത്തില് നിന്നുള്ളവര് ഫെബ്രുവരി 10 മുതല് 16 വരെ വാരണാസിയില് വെച്ച് നടക്കുന്ന ഗുരു രവിദാസ് ജയന്തി തീര്ത്ഥാടനത്തിനായി പോകുമെന്ന് ചൂണ്ടിക്കാട്ടിയാണ് രാഷ്ട്ട്രീയ പാര്ട്ടികള് തെരഞ്ഞെടുപ്പ് കമ്മീഷനെ സമീപിച്ചത്. ഏകദേശം 25 ലക്ഷത്തോളം പേരാണ് തീര്ത്ഥാടനത്തിനായി പുറപ്പെടുക. ഇവര്ക്ക് തെരഞ്ഞെടുപ്പില് വോട്ട് ചെയ്യാനുള്ള അവസരം നഷ്ടപ്പെടാതിരിക്കുന്നതിനാണ് തെരഞ്ഞെടുപ്പ് കമ്മീഷന് അനുകൂലമായ തീരുമാനമെടുത്തത്.
