രാജ്യത്ത് കഴിഞ്ഞ 24 മണിക്കൂറിനിടെ 25,166 പേര്ക്ക് കോവിഡ് സ്ഥിരീകരിച്ചു. കഴിഞ്ഞ 154 ദിവസത്തിനിടയിലെ ഏറ്റവും കുറഞ്ഞ നിരക്കാണിത്.കഴിഞ്ഞ 24 മണിക്കൂറിനിടെ 437 മരണമാണ് റിപ്പോര്ട്ട് ചെയ്തിരിക്കുന്നത്. ഇതോടെ രാജ്യത്തെ ആകെ കൊവിഡ് മരണങ്ങൾ 4,32,079 ആയി ഉയർന്നു. ഇതുവരെ 55,47,30,609 വാക്സിനേഷനാണ് രാജ്യത്ത് നടത്തിയിരിക്കുന്നത്. 88,13,919 കൊവിഡ് വാക്സിനുകളാണ് 24 മണിക്കൂറിനുള്ളിൽ എടുത്തത്.
36,830 പേർ രോഗമുക്തരായി. ഇതോടെ രാജ്യത്തെ ആകെ രോഗമുക്തി നിരക്ക് 97.51 ശതമാനമായി ഉയര്ന്നു.
വിവിധ സംസ്ഥാനങ്ങളിലായി 3.69 ലക്ഷം പേരാണ് ചികിത്സയില് കഴിയുന്നത്. ഇന്നലെയും പ്രതിദിന കേസുകള് കൂടുതല് കേരളത്തിലായിരുന്നു. 12,294 പേര്ക്കാണ് രോഗം.
സംസ്ഥാനങ്ങള്ക്കും കേന്ദ്ര ഭരണ പ്രദേശങ്ങള്ക്കുമായി വിതരണം ചെയ്ത വാക്സിന് ഡോസുകളുടെ എണ്ണം 56 കോടി കവിഞ്ഞതായും ആരോഗ്യമന്ത്രാലയം അറിയിച്ചു. ഇന്നലെ മാത്രം നല്കിയത് 88 ലക്ഷം ഡോസാണ്.
