കേരള സ്റ്റേറ്റ് സർവീസ് പെൻഷനേഴ്സ്അസോസിയേഷൻ കുന്ദമംഗലം മണ്ഡലം വാർഷിക സമ്മേളനം, കുന്ദമംഗലം വ്യാപാരി വ്യവസായി ഏകോപന സമിതി ഓഡിറ്റോറിയത്തിൽ നടന്നു. ആറു ഗഡു ക്ഷാമാശ്വാസം ഇതുവരെ പ്രഖ്യാപിച്ചിട്ടില്ലെന്നും, 20019ൽ അനുവദിച്ച പെൻഷൻ പരിഷ്കരണ കുടിശ്ശികയുടെയും ക്ഷാമാശ്വാസ കുടിശികയുടെയും മൂന്നും നാലും ഗഡുക്കൾവിതരണം ചെയ്യാതെ നീട്ടിക്കൊണ്ടു പോകുന്നുവെന്നും, മെഡിസ പദ്ധതിയിലെ അപാകതകൾ ഇനിയും പരിഹരിക്കപ്പെട്ടിട്ടില്ലെന്നും വാർഷിക സമ്മേളനം പരാതി ഉന്നയിച്ചു. സംഘടനാ മണ്ഡലം സെക്രട്ടറി പി ശിവാനന്ദൻ സ്വാഗതം പറഞ്ഞ പരിപാടിയിൽ, പ്രസിഡണ്ട് കെ സ്വാമിനാഥൻ അധിക്ഷതവഹിച്ചു. സംഘടന സ്റ്റേറ്റ് വൈസ് പ്രസിഡണ്ട് പി എം അബ്ദുറഹ്മാൻ ഉദ്ഘാടനം നിർവഹിച്ചു. അഡ്വക്കേറ്റ് കെ എം കൃഷ്ണൻകുട്ടി മുഖ്യപ്രഭാഷണം നടത്തി. സി വി സംജിത്ത്, എസ് എം സേതുമാധവൻ ,കെ വേലായുധൻ, എം വാസന്തി ,കെ .സി അബ്ദുൽ റസാക്ക്, സി എം ഗിരീഷ് ,എ പി ബാലൻ ,പുറ്റാട്ട് രമേശൻ തുടങ്ങിയവർ പങ്കെടുത്തു സംസാരിച്ചു
