ഗസ്സ: തെക്കന്‍ ഗസ്സയിലെ റഫയില്‍ ഹമാസുമായുള്ള ഏറ്റുമുട്ടലില്‍ നാല് ഇസ്രായേലി സൈനികര്‍ കൊല്ലപ്പെട്ടു. ഇസ്രയേല്‍ ഡിഫന്‍സ് ഫോഴ്സാണ് ഇക്കാര്യം അറിയിച്ചത്. ഫലസ്തീനികള്‍ക്ക് നേരെ ആക്രമണം നടത്താന്‍ പോയ വനിത സൈനിക അടക്കം നാലുപേരാണ് കൊല്ലപ്പെട്ടത്.
23 കാരനായ ക്യാപ്റ്റന്‍ ഡാനിയേല്‍ മിമോണ്‍ ടോഫ്, 20 കാരി സ്റ്റാഫ് സര്‍ജന്റ് അഗം നൈം, 21 കാരന്‍ അമിത് ബക്രി, ഡോട്ടന്‍ ഷിമോണ്‍ എന്നിവരാണ് കൊല്ലപ്പെട്ടതെന്ന് ദി ടൈംസ് ഓഫ് ഇസ്രായേല്‍ റിപ്പോര്‍ട്ട് ചെയ്തു. സംഭവത്തില്‍ നിരവധി ഇസ്രായേലി സൈനികര്‍ക്ക് പരിക്കേറ്റതായാണ് വിവരം.
