കോഴിക്കോട്: 19 മുതൽ 23 വരെ വിവിധ വേദികളിലായി നഗരത്തിൽ നടക്കുന്ന ജില്ലാ സ്‌കൂള്‍ കലോത്സവത്തിന്റെ മീഡിയ സെന്റര്‍ മലബാര്‍ ക്രിസ്ത്യന്‍ കോളജ് എച്ച്.എസ്.എസില്‍ പ്രവര്‍ത്തനമാരംഭിച്ചു. ചിത്രകാരന്‍ പോള്‍ കല്ലാനോട് ഉദ്ഘാടനം ചെയ്തു. മീഡിയ കമ്മിറ്റി ചെയര്‍മാന്‍ ഇ.പി മുഹമ്മദ് അധ്യക്ഷനായി. ഡി.ഡി.ഇ സി. മനോജ്കുമാര്‍ മുഖ്യാതിഥിയായി. ശില്‍പി ഗുരുകുലം ബാബു, മീഡിയ കമ്മിറ്റി വൈസ് ചെയര്‍മാന്‍മാരായ സുബൈര്‍ കൊളക്കാടന്‍, പി.കെ സജിത്, മലബാര്‍ ക്രിസ്ത്യന്‍ കോളജ് എച്ച്.എസ്.എസ് പ്രിന്‍സിപ്പല്‍ ബിന്ധ്യ മേരി ജോണ്‍, പ്രധാനാധ്യാപിക റെനറ്റ് ഷെറീന സെല്‍വരാജ്, പി.ടി.എ പ്രസിഡന്റ് പ്രവീണ്‍ നായര്‍, പി.എം മുഹമ്മദലി, മുഹമ്മദ് ഷനൂദ്, എം.പി ഫാസില്‍, മീഡിയ കമ്മിറ്റി കണ്‍വീനര്‍ പി.കെ അബ്ദുല്‍സത്താര്‍ സ്വാഗതവും കോ കണ്‍വീനര്‍ എം.എ സാജിദ് നന്ദിയും പറഞ്ഞു.
