ബ്രിസ്‌ബെയ്ന്‍: ഇന്ത്യയുടെ സ്പിന്‍ ഇതിഹാസം ആര്‍. അശ്വിന്‍ അന്താരാഷ്ട്ര ക്രിക്കറ്റില്‍നിന്ന് വിരമിച്ചു. ബോര്‍ഡര്‍-ഗവാസ്‌കര്‍ ട്രോഫി കളിക്കുന്ന ഇന്ത്യന്‍ സ്‌ക്വാഡിലുള്ള താരം, മൂന്നാം ടെസ്റ്റിനു പിന്നാലെയാണ് അപ്രതീക്ഷിത രാജി പ്രഖ്യാപിച്ചത്.
ആസ്‌ട്രേലിയക്കെതിരായ രണ്ടാം ടെസ്റ്റില്‍ താരം കളിച്ചിരുന്നു. അനില്‍ കുംബ്ലെക്കുശേഷം ഇന്ത്യ കണ്ട എക്കാലത്തെയും മികച്ച സ്പിന്നറാണ്. ഇന്ത്യക്കായി ടെസ്റ്റില്‍ ഏറ്റവും കൂടുതല്‍ വിക്കറ്റുകള്‍ നേടിയ രണ്ടാമത്തെ താരമാണ് അശ്വിന്‍. 106 ടെസ്റ്റ് മത്സരങ്ങളില്‍നിന്നായി 537 വിക്കറ്റുകളും 116 ഏകദിനങ്ങളില്‍നിന്ന് 156 വിക്കറ്റുകളും നേടിയിട്ടുണ്ട്.
