ന്യൂഡല്ഹി: രോഹിണി പ്രശാന്ത് വിഹാറിലെ സിആര്പിഎഫ് സ്കൂളിനു സമീപം സ്ഫോടനം. സ്കൂളിന്റെ മതിലിനോട് ചേര്ന്ന് രാവിലെ 7.50നാണ് സ്ഫോടനമുണ്ടായത്. ആളപായമൊന്നും റിപ്പോര്ട്ട് ചെയ്തിട്ടില്ല. ഫോറന്സിക് വിദഗ്ധര് സ്ഥലത്തെത്തി പരിശോധനയാരംഭിച്ചു. സമീപത്ത് നിരവധി കടകളുണ്ട്.
സ്ഫോടനത്തിന്റെ ശബ്ദത്തോടൊപ്പം വലിയ പുക ഉയര്ന്നത് ആശങ്കയുണ്ടാക്കി. ഫോടനത്തെത്തുടര്ന്ന് സമീപത്ത് നിര്ത്തിയിട്ടിരിക്കുന്ന വാഹനങ്ങളുടെ ഗ്ലാസുകള് ചിതറിത്തെറിച്ചു. അടുത്തുള്ള കടയില് നിന്നും സിലണ്ടര് പൊട്ടിത്തെറിച്ചതുകൊണ്ടാകാം വലിയ ശബ്ദമുണ്ടായതെന്നാണ് നിഗമനം. ഫോറന്സിക് സംഘത്തിനൊപ്പം ഡല്ഹി പൊലീസിന്റെ സ്പെഷ്യല് സെല് ടീമും സംഭവ സ്ഥലത്തെത്തി.
