കോവിഡ് രോഗികളുടെ എണ്ണം വർധിക്കുന്ന സാഹചര്യത്തില് കേന്ദ്ര വിഹിതത്തിനു വേണ്ടി കാത്തു നില്ക്കാതെ കേരളം സ്വന്തം നിലയില് വാക്സിന് വാങ്ങണമെന്ന് കേന്ദ്രമന്ത്രി വി മുരളീധരന്. കേരളത്തില് എല്ലാവര്ക്കും സൗജന്യമായി വാക്സിന് നല്കുമെന്ന് മുഖ്യമന്ത്രി പിണറായി വിജയന് നേരത്തെ പ്രഖ്യാപിച്ചതാണ്. ഇതിനുള്ള നടപടികള് സംസ്ഥാന സര്ക്കാര് സ്വീകരിക്കണമെന്നും ദില്ലിയില് മാധ്യമങ്ങളോട് വി മുരളീധരന് പറഞ്ഞു.
വാക്സിന് ക്ഷാമമുണ്ടെന്ന് പറഞ്ഞ് ആരോഗ്യമന്ത്രി പരിഭ്രാന്തി പരത്തരുതെന്നും കേന്ദ്രമന്ത്രി പറഞ്ഞു. നാലുദിവസത്തിനകം ഏഴര ലക്ഷം വാക്സിന് കേരളത്തിന് കിട്ടും. വാക്സിന് നല്കേണ്ട ദിവസം നിശ്ചയിച്ചു കഴിഞ്ഞാല് അനാവശ്യമായ തിരക്ക് കുറയ്ക്കാനാകും.
