നടൻ ഷൈന് ടോം നല്കിയ മൊഴി കമ്മീഷണറുടെ സാന്നിധ്യത്തില് ഇന്ന് വിശദമായി പരിശോധിക്കും.
അന്വേഷണ സംഘം എറണാകുളം സിറ്റി പൊലീസ് കമ്മീഷണറുടെ നേതൃത്വത്തില് ഇന്ന് യോഗം ചേരും. ഇന്ന് ഹാജരാകേണ്ടിയിരുന്ന ഷൈനിനോട് പൊലീസ് അറിയിക്കുന്ന മുറയ്ക്ക് മറ്റൊരു ദിവസം ഹാജരായാല് മതിയെന്ന് അന്വേഷണ സംഘം അറിയിച്ചിട്ടുണ്ട്. ഷൈനിന്റെ ഫോണ് കോള് വിവരങ്ങള്, ബാങ്ക് അക്കൗണ്ടിലെ ഇടപാടുകള് തുടങ്ങിയ കാര്യങ്ങള് കൂടി പരിശോധിച്ച ശേഷം ചോദ്യം ചെയ്താല് മതിയെന്നാണ് നിലവിലെ തീരുമാനം. ചോദ്യം ചെയ്യലിനുള്ള പുതിയ തിയതി പിന്നീട് അറിയിക്കുമെന്ന് അന്വേഷണം സംഘം അറിയിച്ചു.
