രാജ്യത്ത് കോവിഡിന് പിന്നാലെ ബ്ലാക്ക് ഫംഗസ് ബാധ പടരുന്നു. ഇതുവരെ 5,500 പേര്ക്കാണ് ഇതുവരെ ഫംഗസ് ബാധ സ്ഥിരീകരിച്ചത്. 126 മരണം സ്ഥിരീകരിച്ചതായും ആണ് റിപ്പോർട്ടുകൾ
മഹാരാഷ്ട്രയില് മാത്രം 90 പേര് മരിച്ചു. കോവിഡ് ബാധിതരിലാണ് ബ്ലാക്ക് ഫംഗസ് കൂടുതലായി കണ്ടുവരുന്നത്. മഹാരാഷ്ട്ര കഴിഞ്ഞാല് കൂടുതല് ബ്ലാക്ക് ഫംഗസ് ബാധിതരുള്ളത് ഹരിയാനയിലാണ്. 14 പേരാണ് മരിച്ചത്. ഉത്തര്പ്രദേശില് എട്ടുപേര് മരിച്ചു.
ജാര്ഖണ്ഡില് നാല് പേരും ഛത്തീസ്ഗഢ്, മധ്യപ്രദേശ്, ഉത്തരാഖണ്ഡ് എന്നിവടങ്ങളില് രണ്ടുപേരും കേരളം ബിഹാര്, അസം, ഒഡീഷ, ഗോവ എന്നിവിടങ്ങളില് ഓരോരുത്തരും ഫംഗസ് ബാധയെ തുടര്ന്ന് മരിച്ചതായി കണക്കുകള് വ്യക്തമാക്കുന്നു.
മഹാരാഷ്ട്രയിലും ഗുജറാത്തിലും 1500 ലധികം പേര്ക്കാണ് ഫംഗസ് ബാധ സ്ഥിരീകരിച്ചത്. തെലങ്കാനയില് 700 പേര്ക്കും മധ്യപ്രദേശില് 573 പേര്ക്കും രോഗം സ്ഥിരീകരിച്ചു. കര്ണാടകയിലും ഡല്ഹിയിലും ഹരിയാനയിലും 200 ലധികമാണ് രോഗികള്. ബ്ലാക്ക് ഫംഗസ് ബാധയെ പകര്ച്ചവ്യാധിയായി പ്രഖ്യാപിക്കാന് സംസ്ഥാനങ്ങളോട് കേന്ദ്രസര്ക്കാര് ആവശ്യപ്പെട്ടിരുന്നു
