ന്യൂഡല്ഹി: രാഹുല് മാങ്കൂട്ടത്തില് എംഎല്എക്കെതിരായ ആരോപണത്തില് വിവരങ്ങള് തേടി എഐസിസി. നേതൃത്വത്തിന് കിട്ടിയ പരാതികള് അന്വേഷിച്ച് നടപടിയെടുക്കാന് ദീപ ദാസ്മുന്ഷി കെപിസിസി നേതൃത്വത്തിന് കൈമാറി. യൂത്ത് കോണ്ഗ്രസ് അധ്യക്ഷസ്ഥാനത്ത് നിന്ന് മാറ്റുന്നതടക്കമുള്ള കാര്യങ്ങള് ആലോചനയിലാണ്. ആരോപണങ്ങള് പുറത്ത് വരും മുന്പേ രാഹുലിനെതിരെ എഐസിസിക്ക് പരാതികള് കിട്ടിയിരുന്നതായാണ് വിവരം. പരാതികളുടെ അടിസ്ഥാനത്തിലാണ് തെരഞ്ഞെടുപ്പ് മുന്നില് കണ്ടുകൊണ്ടുള്ള കോണ്ഗ്രസ് നേതൃത്വത്തിന്റെ നീക്കം.
അശ്ലീല സന്ദേശങ്ങള് അയച്ചുവെന്നും ശരിയല്ലെന്ന് പറഞ്ഞിട്ടും വീണ്ടും തുടര്ന്നുവെന്നുമാണ് യുവനേതാവിനെതിരെ പുതുമുഖ നടി റിനി ആന് ജോര്ജ് ഇന്നലെ വെളിപ്പെടുത്തല് നടത്തിയത്. നേതാവിന്റെ പേര് വെളിപ്പെടുത്താന് ആഗ്രഹിക്കുന്നില്ലെന്നും ആ വ്യക്തി ഉള്പ്പെട്ട പ്രസ്ഥാനത്തിലുള്ള പലരുമായും നല്ല ബന്ധമാണെന്നും റിനി ആന് ജോര്ജ് പറഞ്ഞു.
