മഹാരാഷ്ട്രയിലെ പല്ഘര് ജില്ലയിലെ വിരാറിലെ കൊവിഡ് ഐ.സി.യുവില് ഉണ്ടായ തീപിടുത്തത്തില് 13 പേര് മരിച്ചതായി റിപ്പോര്ട്ട്
തീവ്രപരിചരണ വിഭാഗത്തിൽ കഴിഞ്ഞ രോഗികളാണ് മരിച്ചത്. മുംബൈയിൽ നിന്ന് 70 കിലോമീറ്റർ അകലെയുള്ള വിരാറിൽ സ്ഥിതി ചെയ്യുന്ന വിജയ് വല്ലഭ് ആശുപത്രിയിലാണ് തീപിടുത്തമുണ്ടായത്.
Maharashtra | 13 people have died in a fire that broke out at Vijay Vallabh COVID care hospital in Virar, early morning today pic.twitter.com/DoySNt4CSQ
— ANI (@ANI) April 23, 2021
ഇന്ന് പുലർച്ചെ 3.15 ഓടെയാണ് ആശുപത്രിയിൽ തീ പടർന്നത്. തീവ്രപരിചരണ വിഭാഗത്തിലെ എയര് കണ്ടീഷണറില് ഉണ്ടായ ഷോര്ട്ട് സര്ക്യൂട്ട് ആണ് അപകടത്തിന് കാരണമെന്നാണ് പ്രാഥമിക വിവരം. മരിച്ചവരെല്ലാം കൊവിഡ് ചികിത്സയിൽ കഴിഞ്ഞവരാണ്.
തീപിടുത്തത്തിൽ നിരവധി പേർക്ക് പൊള്ളലേറ്റതായാണ് വിവരം. ഇവരുടെ ആരോഗ്യനില സംബന്ധിച്ച വിവരങ്ങൾ പുറത്തുവന്നിട്ടില്ല. മരണസംഖ്യ ഉയർന്നേക്കുമെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. പരിക്കേറ്റവരെ സമീപത്തെ ആശുപത്രിയിലേക്ക് മാറ്റിയിട്ടുണ്ട്. അപകടം ഉണ്ടാകുമ്പോൾ 90ലധികം രോഗികൾ ആശുപത്രിയിൽ ഉണ്ടായിരുന്നുവെന്ന് ആശുപത്രി സിഇഒ ദിലീപ് ഷാ മാധ്യമപ്രവർത്തകരോട് പറഞ്ഞു.
