ബംഗളൂരു: ഓണാഘോഷത്തിന്റെ ഭാഗമായി തീര്ത്ത പൂക്കളം അലങ്കോലമാക്കിയ സംഭവത്തില് യുവതിക്കെതിരെ കേസെടുത്ത് പൊലീസ്. പത്തനംതിട്ട സ്വദേശിയായ സിമി നായര്ക്കെതിരെയാണ് കേസ്. തന്നിസാന്ദ്ര അപ്പാര്ട്മെന്റ് കോംപ്ലക്സിലെ മലയാളി കൂട്ടായ്മയുടെ പരാതിയില് സമ്പിഗെഹള്ളി പൊലീസാണ് കേസെടുത്തത്.
ശനിയാഴ്ച മൊണാര്ക്ക് സെറിനിറ്റി അപ്പാര്ട്മെന്റില് ഓണാഘോഷത്തിന്റെ ഭാഗമായാണ് കുട്ടികളുടെ നേതൃത്വത്തില് പൂക്കളം ഒരുക്കിയത്. പുലര്ച്ചെ നാല് മണിക്കാണ് പൂക്കളം പൂര്ത്തിയാക്കിയത്. ഇതിനു പിന്നാലെ നിമിഷങ്ങള്ക്കകം യുവതി പൂക്കളം നശിപ്പിക്കുകയായിരുന്നു.
കോമണ് ഏരിയയില് പൂക്കളം ഇട്ടതു ചോദ്യം ചെയ്ത സിമി നായര് തടയാന് ശ്രമിച്ചവരെ ഭീഷണിപ്പെടുത്തുന്നതിന്റെ ദൃശ്യങ്ങള് പ്രചരിച്ചിരുന്നു. സംഘര്ത്തെ തുടര്ന്നു ഓണ സദ്യ പാര്ക്കിങ് ബേയിലേക്ക് മാറ്റിയതായി അസോസിയേഷന് വ്യക്തമാക്കി.
