സിപിഐ നേതാവ് കനയ്യ കുമാറും രാഷ്ട്രീയ ദലിത് അധികാര് മഞ്ച് എംഎല്എ ജിഗ്നേഷ് മേവാനിയും കോണ്ഗ്രസില് ചേരുമെന്ന് റിപ്പോര്ട്ട്.. ഭഗത് സിംഗ് ദിനത്തിലാണ് ഇരുവരും പാർട്ടിയുടെ ഭാഗമാകുന്നത്. ഇരുവർക്കുമൊപ്പം അടുത്ത അനുയായികളും കോൺഗ്രസിൽ ചേരും. സിപിഐ വിട്ട് കോൺഗ്രസിൽ ചേരുന്നതുമായി ബന്ധപ്പെട്ട് രാഹുൽ ഗാന്ധിയുമായി കനയ്യകുമാർ കഴിഞ്ഞ ചർച്ച നടത്തിയിരുന്നു.കനയ്യ കുമാര് കോണ്ഗ്രസില് ചേരുമെന്ന വാര്ത്തകള് നിഷേധിച്ച് സിപിഐ രംഗത്തുവന്നിരുന്നു. പ്രചാരണം അടിസ്ഥാന രഹിതമാണെന്നായിരുന്നു ജനറല് സെക്രട്ടറി ഡി രാജയുടെ പ്രതികരണം. ഡി രാജയുമായി കനയ്യ കുമാര് കൂടിക്കാഴ്ചയും നടത്തിയിരുന്നു. എന്നാല് ബിഹാര് സംസ്ഥാന ഘടകവുമായുള്ള ഭിന്നത പരിഹരിക്കാന് സാധിച്ചിട്ടില്ലെന്നാണ് സൂചന.
