ആധുനിക വൈദ്യശാസ്ത്രത്തിനെതിരായ യോഗാചാര്യന് ബാബാ രാംദേവിന്റെ പ്രസ്താവനയ്ക്കെതിരെ മാനനഷ്ടക്കേസ് ഫയല് ചെയ്ത് ഐ.എം.എ. ഉത്തരാഖണ്ഡ് ഐ.എം.എയുടേതാണ് നടപടി.
1000 കോടി രൂപയുടെ മാനനഷ്ടക്കേസാണ് ഫയല് ചെയ്തിരിക്കുന്നത്.15 ദിവസത്തിനുള്ളില് വിവാദ പരാമര്ശം രേഖാമൂലം പിന്വലിച്ച് മാപ്പ് പറഞ്ഞില്ലെങ്കില് 1000 കോടിയുടെ മാനനഷ്ടകേസ് ഫയല് ചെയ്യുമെന്നാണ് മുന്നറിയിപ്പ്. പരാമര്ശത്തില് വ്യാപക വിമര്ശനം ഉണ്ടാകുകയും കേന്ദ്ര ആരോഗ്യ മന്ത്രി ഹര്ഷ വര്ദ്ധന് പരാമര്ശം പിന്വലിക്കാന് ആവശ്യപ്പെട്ട് രാംദേവിന് കത്തയക്കുകയും ചെയ്തിരുന്നു. ഇതിന് പിന്നാലെ പരാമര്ശങ്ങള് പിന്വലിക്കുന്നുവെന്ന് രാംദേവ് ട്വീറ്റ് ചെയ്യുകയുണ്ടായി. എന്നാല് അദ്ദേഹം ഖേദം പ്രകടിപ്പിക്കാന് തയ്യാറായിരുന്നില്ല.
രാംദേവിനെതിരെ നടപടിയെടുക്കണമെന്നാവശ്യപ്പെട്ട് ഉത്തരാഖണ്ഡ് മുഖ്യമന്ത്രിക്കും ചീഫ് സെക്രട്ടറിക്കും ഐഎംഎ പരാതി നല്കിയിട്ടുണ്ട്.
