ഷാരൂഖ് ഖാന്റെ മകന് ആര്യന് ഖാന് പ്രതിയായ ലഹരിമരുന്ന് കേസ് അന്വേഷിക്കുന്ന എന്.സി.ബി ഉദ്യോഗസ്ഥന് സമീര് വാങ്കഡെയ്ക്കെതിരെ കൂടുതല് ആരോപണങ്ങള്.സമീർ ബോളിവുഡ് താരങ്ങളെ ഭീഷണിപ്പെടുത്തി പണം തട്ടിയെന്നതടക്കമുള്ള ആരോപണങ്ങളുള്ള കത്ത് മഹാരാഷ്ട്ര മന്ത്രി നവാബ് മാലിക്കാണ് പുറത്തുവിട്ടത്. പേര് വെളിപ്പെടുത്താത്ത ഒരു എന്.സി.ബി ഉദ്യോഗസ്ഥന്റേതാണ് കത്ത്.
ബോളിവുഡ് താരങ്ങളെ ഭീഷണിപ്പെടുത്തി സമീര് വാങ്കഡെ പണം തട്ടിയെന്ന് കത്തില് പറയുന്നതായി നവാബ് മാലിക് ആരോപിക്കുന്നു.
ദീപിക പദുകോണ്, രാകുല് പ്രീത് സിംഗ്, ശ്രദ്ധ കപൂര്, അര്ജുന് രാം പാല് എന്നിവരെ ഭീഷണിപ്പെടുത്തിയ പണം കൈപ്പറ്റി ന്നൊണ് ആരോപണം.അഭിഭാഷകനായ അയാസ് ഖാൻ മുഖേന തെളിവുകൾ കൃത്രിമമായി ഉണ്ടാക്കിയാരുന്നു തട്ടിപ്പ് എന്നും ആരോപിച്ചു.
ലഹരി മരുന്ന് ഇടപാടുകാരുമായി വാങ്കഡെയ്ക്ക് ബന്ധമുണ്ടെന്ന് കത്തില് പറയുന്നുണ്ട്. 26 കേസുകളുടെ വിവരങ്ങള് കത്തിലുണ്ടെന്നാണ് റിപ്പോര്ട്ട്. കത്ത് എന്.സി.ബി തലവന് കൈമാറുമെന്നാണ് വിവരം.സമീർ വാങ്കഡെയ്ക്കൊപ്പം കഴിഞ്ഞ രണ്ടു വർഷമായി ജോലി ചെയ്യുന്ന ഉദ്യോഗസ്ഥൻ എന്ന പേരിലാണ് കത്ത്. കത്ത് എൻസിബി തലവന് കൈമാറുമെന്ന് മന്ത്രി നവാബ് മാലിക്ക് അറിയിച്ചു.
