കാര്ഷിക നിയമങ്ങള് വീണ്ടും കൊണ്ടുവരാന് ഉദ്ദേശിക്കുന്നതായി കേന്ദ്ര കൃഷി മന്ത്രി നരേന്ദ്ര സിങ് തോമർ കഴിഞ്ഞ ദിവസംസൂചന നല്കിയിരുന്നു. ഇത് വലിയ ചർച്ചകൾക്കും വഴിയൊരുക്കിയിരുന്നു എന്നാൽ പിന്വലിച്ച കാര്ഷിക നിയമങ്ങള് വീണ്ടും കൊണ്ടുവരുമെന്ന് താന് പറഞ്ഞിട്ടില്ലെന്ന് നരേന്ദ്ര സിംഗ് തോമർ പറഞ്ഞു. താന് പറഞ്ഞതായി തെറ്റായ പ്രചാരണം നടക്കുകയാണെന്നും മന്ത്രി പറഞ്ഞു.
നല്ല ഭേദഗതിയായിരുന്നു കാര്ഷിക നിയമത്തിലൂടെ നടപ്പിലാക്കിയതെങ്കിലും ചില കാരണങ്ങള് കൊണ്ട് അത് പിന്വലിക്കേണ്ടി വന്നു. കര്ഷകരുടെ ഉന്നമനത്തിനായി പ്രവര്ത്തിക്കുമെന്നാണ് താന് പറഞ്ഞതെന്നും തോമര് വ്യക്തമാക്കി.
സ്വാതന്ത്ര്യം കിട്ടി എഴുപത് വര്ഷത്തിന് ശേഷം പ്രധാനമന്ത്രി നരേന്ദ്രമോദി നടപ്പാക്കിയ വിപ്ലവകരമായ തീരുമാനമാണ് കാര്ഷിക നിയമങ്ങള്. കര്ഷക നന്മയെ കരുതി കൊണ്ടുവന്ന നിയമങ്ങള് പക്ഷേ ചിലര്ക്ക് ഇഷ്ടമായില്ല. സര്ക്കാരിന് നിരാശയില്ല. തല്ക്കാലം ഒരടി പിന്നോട്ട് വച്ചെന്നും കര്ഷകര് രാജ്യത്തിന്റെ നട്ടെല്ലായതിനാല് അവര്ക്കായി മുന്പോട്ട് വരുമെന്നുമായിരുന്നു കൃഷിമന്ത്രിയുടെ വിവാദ പ്രസ്താവന.
