ശ്രീനഗര്: പഹല്ഗാമില് ഭീകരാക്രമണം നടത്തിയവരെ സുരക്ഷാസേന വനമേഖലയില് കണ്ടെത്തിയതായി സൂചന. ഭീകരര് സൈന്യത്തിന് നേരെ വെടിവെച്ചെന്നും റിപ്പോര്ട്ടുകളുണ്ട്. ത്രാല്, കൊക്കെര്നാഗ് മേഖലകളിലാണ് ഭീകരരുടെ സാന്നിധ്യം സ്ഥിരീകരിച്ചതായി റിപ്പോര്ട്ടുകള്.മേഖലകളില് സൈന്യം തിരച്ചില് നടത്തുകയാണ്. എന്നാല് ഇക്കാര്യം അധികൃതര് ഔദ്യോഗികമായി സ്ഥിരീകരിച്ചിട്ടില്ല.
ഭീകരവാദികള് എത്തിയത് വനമേഖലയിലൂടെ 35 കിലോമീറ്റര് സഞ്ചരിച്ചെന്നാണ് അന്വേഷ സംഘത്തിന്റെ പ്രാഥമിക നിഗമനം. കൊക്കേര്നാഗ് വനമേഖലയിലൂടെയാണ് ഭീകരര് എത്തിയതെന്നും അന്വേഷണ സംഘത്തിന് വിവരം ലഭിച്ചു. മൂന്ന് വിദേശികളും ഒരു പ്രാദേശിക ഭീകരനും സംഘത്തില് ഉണ്ടായിരുന്നതാണ് സൂചന. ഭീകരരുമായി ബന്ധമുള്ള നിരവധിപേരെ എന്ഐഎ ചോദ്യം ചെയ്തിട്ടുണ്ട്.
