വെള്ള , നീല കാര്ഡ് ഉടമകള്ക്ക് പതിനഞ്ച് രൂപക്ക് 10 കിലോ സ്പെഷ്യല് അരി വിതരണം ചെയ്യുന്നത് തടഞ്ഞ തെരഞ്ഞെടുപ്പ് കമ്മിഷന് നടപടിക്കെതിരെ സര്ക്കാര് ഇന്ന് ഹൈക്കോടതിയെ സമീപിക്കും.
പെരുമാറ്റച്ചട്ടം നിലവില് വരുന്നതിന് മുന്പ് തന്നെ അരി വിതരണത്തിന് ഉത്തരവ് ഇറക്കിയെന്ന് ചൂണ്ടിക്കാണിച്ചാകും സര്ക്കാരിന്റെ ഹര്ജി
സ്പെഷ്യല് അരി എന്ന നിലയില് നേരത്തെയും വിതരണം ചെയ്തതായിരുന്നുവെന്നും ബജറ്റില് പ്രഖ്യാപിച്ചതാണ് എന്നുമാണ് സര്ക്കാരിന്റെ വാദം.പ്രതിപക്ഷം നല്കിയ പരാതിയെത്തുടര്ന്നായിരുന്നു നടപടി.
ഇതിനുമുമ്പും ഇത്തരത്തില് അരി വിതരണം ചെയ്തിട്ടുണ്ടെന്നും, ബഡ്ജറ്റില് പ്രഖ്യാപിച്ചതാണെന്നുമാണ് സര്ക്കാരിന്റെ വാദം. തെരഞ്ഞെടുപ്പു വിജ്ഞാപനത്തിന് മുമ്പാണ് അരി വിതരണത്തിന് സര്ക്കാര് ഉത്തരവിറക്കിയത്. അരി എത്താന് വൈകിയതിനാല് വിതരണം വൈകി. അരി എത്തിയപ്പോള് തെരഞ്ഞെടുപ്പ് വിജ്ഞാപനം ഇറങ്ങിയതിനാല് വിതരണാനുമതിക്ക് സര്ക്കാര് തെരഞ്ഞെപ്പു കമ്മിഷനെ സമീപിച്ചു. അപ്പോഴേക്കും പെരുമാറ്റച്ചട്ട ലംഘനം കാട്ടി പ്രതിപക്ഷ നേതാവ് രമേശ് ചെന്നിത്തല മുഖ്യ തെരഞ്ഞെടുപ്പ് ഓഫീസര്ക്ക് പരാതി നല്കുകയായിരുന്നു.
സ്കൂള് വിദ്യാര്ത്ഥികള്ക്കുള്ള അരി വിതരണത്തില് തെരഞ്ഞെടുപ്പ് കമ്മീഷന് സര്ക്കാര് വിശദീകരണം നല്കിയിട്ടുണ്ട്. ഇത് പുതിയ പ്രഖ്യാപനമല്ലെന്നും നേരത്തെയും നല്കി വന്നിരുന്ന നടപടികളുടെ തുടര്ച്ചയാണെന്നുമാണ് സര്ക്കാര് കമ്മീഷനെ അറിയിച്ചത്. ഇതിനിടെ വിഷു – ഈസ്റ്റര് സൗജന്യ കിറ്റ് വിതരണം ഇന്ന് തുടങ്ങിയേക്കും.
