ലൈംഗിക ആരോപണ കേസിൽ രാഹുല് മാങ്കൂട്ടത്തില് എംഎല്എയ്ക്ക് എതിരായ മൊഴി രേഖപ്പെടുത്തല് നടപടികളിലേക്ക് ക്രൈം ബ്രാഞ്ച് കടന്നേക്കും. ആദ്യഘട്ടത്തിൽ റിനി ആന് ജോര്ജ്, അവന്തിക, ഹണി ഭാസ്കരന് എന്നിവരുടെ മൊഴി എടുക്കും. അന്വേഷണ ഉദ്യോഗസ്ഥനായ ക്രൈംബ്രാഞ്ച് ഡിവൈഎസ്പി ബിനുകുമാര് ഇന്നലെ പരാതിയുടെ വിവരങ്ങള് ശേഖരിച്ചിരുന്നു.
ക്രൈംബ്രാഞ്ചിന്റെ ചുമതലയുള്ള എഡിജിപി എച്ച് വെങ്കിടേഷ് അന്വേഷണത്തിന് നേരിട്ട് മേല്നോട്ടം വഹിക്കുമെന്നാണ് വിവരം. രണ്ട് ദിവസത്തിനകം അന്വേഷണസംഘത്തെ പ്രഖ്യാപിക്കും. സംസ്ഥാന പൊലീസ് മേധാവിക്ക് ലഭിച്ച പരാതികളുടെ അടിസ്ഥാനത്തിലാണ് ക്രൈം ബ്രാഞ്ച് അന്വേഷണം നടക്കുന്നത്.
അതേസമയം അന്വേഷണ ഉദ്യോഗസ്ഥനായ തിരുവനന്തപുരം റേഞ്ച് ക്രൈം ബ്രാഞ്ച് ഡി.വൈ.എസ്.പി ബിനുകുമാര് ഇന്നലെ പരാതിയുടെ വിവരങ്ങള് ശേഖരിച്ചിരുന്നു. എംഎല്എയുടെ മോശം പെരുമാറ്റത്തിന് ഇരയായ സ്ത്രീകള് നേരിട്ട് പരാതി നല്കാത്തത് കേസിനെ ദുര്ബലപ്പെടുത്തുമെന്ന വിലയിരുത്തലിന്റെ അടിസ്ഥാനത്തിലാണ് അനുഭവങ്ങള് തുറന്നുപറഞ്ഞവരുടെ മൊഴി എടുക്കാൻ ക്രൈംബ്രാഞ്ച് നീക്കം നടത്തുന്നത്.
