വിവാഹിതയെന്നോ അവിവാഹിതയെന്നോ ഭേദമില്ലാതെ, ഗര്ഭഛിദ്രം നടത്താന് സ്ത്രീകള്ക്ക് അവകാശമുണ്ടെന്ന് സുപ്രീം കോടതി.അവിവാഹിതരായ സ്ത്രീകൾക്ക് മെഡിക്കൽ ടെർമിനേഷൻ ഓഫ് പ്രെഗ്നൻസി ആക്ട് പ്രകാരം ഗർഭഛിദ്രത്തിന് അവകാശമുണ്ടെന്നും കോടതി വിധിച്ചു.ജസ്റ്റിസ് ഡി.വൈ ചന്ദ്രചൂഡിന്റെതാണ് നിര്ണായക ഉത്തരവ്. സമ്മതമില്ലാതെ ഭർത്താവ് നടത്തുന്ന ലൈംഗിക ബന്ധവും ബലാത്സംഗമാണെന്നും കോടതി ചൂണ്ടിക്കാട്ടിഗര്ഭഛിദ്ര നിയമത്തില് 2021ല് വരുത്തിയ ഭേദഗതിയില് വിവാഹിത, അവിവാഹിത വേര്തിരിവ് ഇല്ലെന്ന് കോടതി ചൂണ്ടിക്കാട്ടി. ഗര്ഭഛിദ്രത്തിന് അനുമതി തേടി അവിവാഹിതയായ ഇരുപത്തിയഞ്ചുകാരി നല്കിയ ഹര്ജിയാണ് സുപ്രീം കോടതി പരഗിണിച്ചത്. 23 ആഴ്ച പ്രായമുള്ള ഗര്ഭം അലസിപ്പിക്കാന് അനുമതി നിഷേധിച്ച ഡല്ഹി ഹൈക്കോടതി ഉത്തരവ് ചോദ്യം ചെയ്താണ് യുവതി സുപ്രീം കോടതിയെ സമീപിച്ചത്.
ഇരുപതു മുതല് 24 വരെ ആഴ്ച പ്രായമുള്ള, ഉഭയസമ്മത ബന്ധത്തിലൂടെ ഉണ്ടാവുന്ന ഗര്ഭം അലസിപ്പിക്കാവുന്ന സ്്ത്രീകള് ഏതൊക്കെ വിഭാഗത്തില് പെടുന്നവര് ആണെന്നാണ് നിയമത്തിലെ 3ബി ചട്ടം പറയുന്നത്. വിവാഹിതരായ സ്ത്രീകള് മാത്രമാണ് ലൈംഗിക ബന്ധത്തില് ഏര്പ്പെടുന്നത് എ്ന്ന ധാരണയുടെ അടിസ്ഥാനത്തിലാണ് ഇത്തരമൊരു ചട്ടം രൂപീകരിച്ചിരിക്കുന്നത്. ഇത് ഭരണഘടനാ വിരുദ്ധമാണ്. വിവാഹിത, അവിവാഹിത എന്ന വേര്തിരിവ് ഇവിടെ നിലനില്ക്കില്ല. സ്ത്രീകള്ക്ക് അവരുടെ അവകാശങ്ങള് സ്വതന്ത്രമായി പ്രയോഗിക്കാന് അവകാശമുണ്ട്- കോടതി പറഞ്ഞു. പരസ്പരസമ്മതത്തോടെയുള്ള ബന്ധത്തില് 20-24 ആഴ്ച വരെയുള്ള സമയത്തും അവിവാഹിതയ്ക്ക് ഗര്ഭച്ഛിദ്രത്തിന് അവകാശമുണ്ടെന്ന് സുപ്രീംകോടതി വ്യക്തമാക്കി.ലിവ് ഇന് ബന്ധത്തില് ഗര്ഭിണിയാകുന്ന അവിവാഹിതയ്ക്ക് ഗര്ഭച്ഛിദ്രം അനുവദിക്കാതിരിക്കുന്നത് ഭരണഘടനാവിരുദ്ധമാണെന്നും കോടതി ചൂണ്ടിക്കാട്ടി
