പത്തനംതിട്ട: എന്എസ്എസ് ജനറല് സെക്രട്ടറി ജി സുകുമാരന് നായര്ക്കെതിരെ വീണ്ടും പ്രതിഷേധബാനര്. പത്തനംതിട്ട പ്രമാടം പഞ്ചായത്തിന് മുന്നിലാണ് പ്രതിഷേധബാനര് പ്രത്യക്ഷപ്പെട്ടത്. ഭക്തരെ പിന്നില് നിന്ന് കുത്തിയിട്ട് പിണറായിയുടെ പാദസേവ ചെയ്ത കട്ടപ്പ എന്ന് സുകുമാരന് നായരെ പരിഹസിച്ചുകൊണ്ടാണ് പോസ്റ്റര്. ഇന്നലെ വെട്ടിപ്പുറത്തും പ്രതിഷേധ ബാനര് ഉയര്ന്നിരുന്നു.
ആഗോള അയ്യപ്പ സംഗമവുമായി ബന്ധപ്പെട്ട് സര്ക്കാരിനെ പിന്തുണച്ച് ജി സുകുമാരന് നായര് നടത്തിയ പ്രസ്താവനകള്ക്കെതിരായാണ് എന്എസ്എസ് കരയോഗങ്ങളില് നിന്നുള്പ്പെടെ വ്യാപക വിമര്ശനങ്ങള് ഉയരുന്നത്.
കട്ടപ്പയായി മാറിയ സുകുമാരന് നായര് സമുദായത്തിന് നാണക്കേട് എന്നാണ് ബാനറില് എഴുതിയിരിക്കുന്നത്. അതിനാല് എന്എസ്എസിനുള്ളില് നിന്നുള്ള വിമര്ശനമാണിതെന്ന സംശയം പ്രബലമാകുന്നുണ്ട്.
