തിരുവനന്തപുരം പുതുക്കുറിച്ചിയിൽ വള്ളം മറിഞ്ഞ് മത്സ്യത്തൊഴിലാളി മരിച്ചു. പുതുകുറിച്ചി സ്വദേശി കുമാർ (45) ആണ് മരിച്ചത്. രാവിലെ ആറു മണിയോടെ മത്സ്യബന്ധനത്തിനായി പുറപ്പെട്ടപ്പോഴാണ് അപകടം..
ശക്തമായ തിരയില്പ്പെട്ട് വള്ളം മറിയുകയായിരുന്നു. വള്ളത്തിൽ നിന്നും വീണ് അവശനായ കുമാറിനെ മെഡിക്കൽ കോളേജിൽ എത്തിച്ചെങ്കിലും മരിച്ചു. 6 പേരാണ് വള്ളത്തിലുണ്ടായിരുന്നത്.
അപകടത്തിൽ മറ്റാർക്കും പരിക്കുകളില്ല. മൃതദേഹം മെഡികോളേജ് മോർച്ചറിയിലേക്ക് മാറ്റി. പുതുകുറിച്ചിയിൽ കഴിഞ്ഞ ദിവസവും സമാനമായ അപകടം സംഭവിച്ചിരുന്നു.
