മൂന്നാം ബലാത്സംഗ കേസിൽ രാഹുല് മാങ്കൂട്ടത്തിലിന്റെ മുന്കൂര് ജാമ്യാപേക്ഷ ഹൈക്കോടതി ഇന്ന് പരിഗണിക്കും. രാഹുലിന്റെ മുന്കൂര് ജാമ്യാപേക്ഷയെ എതിര്ത്ത് അതിജീവിത കോടതിയില് മറുപടി സത്യവാങ്മൂലം സമര്പ്പിച്ചിരുന്നു. രാഹുൽ മാങ്കൂട്ടത്തിൽ ക്രൂരനായ ലൈംഗിക കുറ്റവാളിയാണ് എന്നാണ് അതിജീവിത സമര്പ്പിച്ച സത്യവാങ്മൂലത്തില് പറയുന്നത്.
ഗർഭിണിയായിരിക്കേ തന്നെ മൃഗീയമായി പീഡിപ്പിച്ചതായി യുവതി വെളിപ്പെടുത്തിയിരുന്നു. പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ചതടക്കം രാഹുലിനെതിരെ പത്തോളം പീഡന പരാതികളുണ്ടെന്നും അതിജീവിത പറഞ്ഞിരുന്നു.
അതേസമയം ബലാത്സംഗക്കേസില് രാഹുല് മാങ്കൂട്ടത്തിൽ പ്രഥമദൃഷ്ട്യാ കുറ്റക്കാരനാണെന്ന് നിരീക്ഷിച്ചായിരുന്നു തിരുവനന്തപുരം പ്രിന്സിപ്പല് സെഷന്സ് കോടതി രാഹുലിന്റെ മുന്കൂര് ജാമ്യാപേക്ഷ നേരത്തെ തള്ളിയത്. ഈ സാഹചര്യത്തിലാണ് രാഹുല് മാങ്കൂട്ടത്തിൽ മൂന്കൂര് ജാമ്യം തേടി ഹൈക്കോടതിയെ സമീപിച്ചത്. ബലാത്സംഗക്കുറ്റം നിലനില്ക്കില്ലെന്നും താന് നിരപരാധിയാണെന്നും ആണ് രാഹുലിന്റെ വാദം.
