തമിഴ് സൂപ്പർതാരം വിജയിയുടെ പുതിയ ചിത്രം ‘ജനനായകൻ’ പ്രഖ്യാപിച്ച നാളുമുതൽ തന്നെ വലിയ ചർച്ചകളിൽ ഇടം നേടിയിരുന്നു. ഇപ്പോഴിതാ ചിത്രത്തിന്റെ റിലീസ് വൈകുന്നതിനെ ചുറ്റിപ്പറ്റിയുള്ള ചർച്ചകൾ ചൂടുപിടിക്കുന്നതിനിടെ മൗനം വെടിഞ്ഞ് വിജയ് എത്തിയിരിക്കുന്നു. ആരാധകരുടെ ആശങ്കക്കും സോഷ്യൽ മീഡിയയിലെ അഭ്യൂഹങ്ങൾക്കും വിരാമമിടുന്ന തരത്തിലായിരുന്നു അദ്ദേഹത്തിന്റെ പ്രതികരണം. മാർച്ച് 4 ന് തഞ്ചാവൂരിൽ നടന്ന ഒരു വമ്പിച്ച പൊതുയോഗത്തിൽ സംസാരിക്കുകയായിരുന്നു അദ്ദേഹം. തന്നെ നിശബ്ദമാക്കാനാക്കാൻ ശ്രമിക്കാം, എന്നാൽ എല്ലാവരേയും നിശബ്ദനാക്കാൻ കഴിയില്ലെന്നും വിജയ് പറഞ്ഞു.
ചിത്രം റിലീസ് ചെയ്യാൻ തീരുമാനിച്ച സമയത്ത് തന്നെ പിന്തുണച്ചവർക്ക് നന്ദി പറയുകയും തുടർന്ന് ശക്തമായ ഒരു മുന്നറിയിപ്പ് നൽകുകയും ചെയ്തു. “ജന നായകൻ എന്ന സിനിമയുടെ റിലീസ് സമയത്ത് നിരവധി പേർ പിന്തുണ പ്രഖ്യാപിച്ചു. നമ്മുടെ മുഖ്യമന്ത്രി പോലും പിന്തുണ പ്രഖ്യാപിച്ചു. അതിന് ഞാൻ അവരോട് നന്ദി പറയുന്നു. നിങ്ങൾക്ക് എന്നെ നിശബ്ദനാക്കാൻ ശ്രമിക്കാം, പക്ഷേ എല്ലാ വീട്ടിലെയും എല്ലാ വിജയ്യെയും നിശബ്ദരാക്കാൻ കഴിയില്ല. അവർ ഇതിനകം തന്നെ പ്രചാരണം ആരംഭിച്ചു കഴിഞ്ഞു,” അദ്ദേഹം പറഞ്ഞു.
