ഇരുചക്ര വാഹനങ്ങളില് സുരക്ഷിത യാത്ര ഉറപ്പാക്കുന്നതിനായി ചെറിയ കുട്ടികള്ക്കും ഹെല്മറ്റ് നിര്ബന്ധമാക്കാൻ തീരുമാനം.ഒമ്പത് മാസം മുതല് നാല് വയസ് വരെ പ്രായമുള്ള കുട്ടികള്ക്കാണ് പുതുതായി കേന്ദ്രം ഹെല്മറ്റ് നിര്ബന്ധമാക്കിയത്. സാധാരണ ഗതിയില് നാല് വയസില് താഴെ പ്രായമുള്ള കൂട്ടുകളെ മുതിര്ന്ന യാത്രക്കാരായി പരിഗണിച്ചിരുന്നില്ല.
വാഹനം ഓടിക്കുന്ന ആളിനേയും കുട്ടിയേയും ബന്ധിക്കുന്ന ബെല്റ്റും നിര്ബന്ധമാക്കിയിട്ടുണ്ട്. കുട്ടികളുടെ നെഞ്ചിന് സുരക്ഷ നല്കുന്നതിന് വേണ്ടിയാണിത്.ബെല്റ്റ് ഭാരം കുറഞ്ഞതും ക്രമീകരിക്കാന് കഴിയുന്നതും വാട്ടര് പ്രൂഫും ആയിരിക്കണം.
കുട്ടികള്ക്ക് ഹെല്മറ്റ് നിര്ബന്ധമാക്കിയതിന് പുറമെ, കുട്ടികളുമായി സഞ്ചരിക്കുന്ന ഇരുചക്ര വാഹനങ്ങളുടെ വേഗതയും നിയന്ത്രിക്കുന്ന നിര്ദേശം ഉപ്പോള് പുറത്തുവന്നിട്ടുണ്ട്. ചെറിയ കുട്ടികളുമായി യാത്ര ചെയ്യുന്ന ബൈക്കുകള്ക്കും സ്കൂട്ടറുകള്ക്കും വേഗം മണിക്കൂറില് 40 കിലോമീറ്ററില് കൂടരുതെന്നാണ് പുതിയ നിര്ദേശത്തില് പറയുന്നത്.
