പ്രധാന മന്ത്രി നരേന്ദ്ര മോദിയെ രൂക്ഷമായി വിമര്ശിച്ച് കോണ്ഗ്രസ് നേതാവ് രാഹുല് ഗാന്ധി. എല്.പി.ജി. വിലവര്ധനയില് കേന്ദ്രസര്ക്കാരിനെതീരെ ട്വിറ്ററിലൂടെയാണ് അദ്ദേഹത്തിന്റെ പ്രതികരണം.
സര്ക്കാരിന്റെ വികസന വാചകമടിയില് നിന്ന് അകലെയുള്ള ലക്ഷക്കണക്കിന് കുടുംബങ്ങള് ചൂളകള് (വിറകടുപ്പ്) ഉപയോഗിക്കാന് നിര്ബന്ധിതരാവുകയാണെന്ന് അദ്ദേഹം പറഞ്ഞു. നരേന്ദ്ര മോദിയുടെ വികസനവണ്ടി റിവേഴ്സ് ഗിയറില് ആണെന്നും അതിന്റെ ബ്രേക്ക് തകരാറിലാണെന്നും രാഹുല് ട്വീറ്റില് പറഞ്ഞു.
ഇതിനോടൊപ്പം ഗ്രാമങ്ങളിലെ 42 ശതമാനം പേരും പാചകവാതകത്തിന്റെ ഉപയോഗം നിര്ത്തിയെന്ന റിപ്പോര്ട്ടും അദ്ദേഹം പങ്കുവെച്ചിട്ടുണ്ട്.
ഈ റിപ്പോര്ട്ട് പ്രകാരം പശ്ചിമ ബംഗാളിലെ ഝാര്ഗ്രം, വെസ്റ്റ് മിഡ്നാപൂര് എന്നിവിടങ്ങളിലെ ഉള്ഗ്രാമങ്ങളിലുള്ള 42 ശതമാനം കുടുംബങ്ങള് പാചകവാതക സിലിണ്ടറുകള് ഉപേക്ഷിച്ചുവെന്നാണ് പറയുന്നത്.
